ରାୟଗଡ,୭/୬ : ରାୟଗଡ କେନ୍ଦ୍ରୀୟ ବିଦ୍ୟାଳୟ ପରିଷରରେ ଶନିବାର ଦିନ ବନ ମହୋତ୍ସବ ପାଳିତ ହୋଇଯାଇଛି। ଏହି ଅବଶରରେ ମୁଖ୍ୟ ଅତିଥି ଭାବେ କ୍ଷେତ୍ରୀୟ ମୁଖ୍ୟ ବନ ସଂରକ୍ଷକ ସୁଦୀପ୍ତ ଦାସ, ଖଣ୍ଡୀୟ ବନ ଅଧିକାରୀ ଦେବଚରଣ ବେହେରା ଓ ବିଦ୍ୟାଳୟ ଅଧ୍ୟକ୍ଷ ଦୁର୍ଗାପ୍ରସାଦ ପଣ୍ଡା ବୃକ୍ଷରୋପଣ କରି କାର୍ଯ୍ୟକ୍ରମକୁ ଆରମ୍ଭ କରିଥିଲେ। ଉକ୍ତ କାର୍ଯ୍ୟକ୍ରମରେ ଛାତ୍ରଛାତ୍ରୀ ବିଭିନ୍ନ ପ୍ରକାରର ପ୍ରାୟ ୪୦୦ ଚାରା ରୋପଣ କରିବା ସହ ବନବିଭାଗର କର୍ମଚାରୀ ମାନଙ୍କ ସହ ବୃକ୍ଷର ଉପଯୋଗୀତା ଓ ଯତ୍ନ ସମ୍ପର୍କରେ ପଚାରି ବୁଝିଥିଲେ। ବିଦ୍ୟାଳୟର ସମସ୍ତ ଶିକ୍ଷକଙ୍କ ପ୍ରତ୍ୟକ୍ଷ ତତ୍ତ୍ଵବଧାନରେ କାର୍ଯ୍ୟକ୍ରମଟି ସଫଳ ହେବା ସହ ଛାତ୍ରଛାତ୍ରୀଙ୍କୁ ପ୍ରକୃତି ସହ ନିକଟତର ହେବାରେ ବନମହୋତ୍ସବ କାର୍ଯ୍ୟକ୍ରମ ପ୍ରେରିତ କରିପାରିଛି। ଏଠାରେ ଉଲ୍ଲେଖଯୋଗ୍ୟ ଯେ, ଏହି ବିଦ୍ୟାଳୟ ଗତ ଜୁନ ୫ ରେ ଓଡିଶା ଜଙ୍ଗଲ ଓ ପରିବେଶ ବିଭାଗ ଦ୍ୱାରା ପ୍ରକୃତି ମିତ୍ର ପୁରସ୍କାର ପ୍ରାପ୍ତ ହୋଇଅଛି।