ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଳକ ଆମପାଣି ଡ଼ାକ ବଙ୍ଗଳା ନିକଟରେ ଏକ କାର ସର୍ଟ୍ ସର୍କିଟ ଯୋଗୁଁ ନିଆଁ ଲାଗି ଜଲି ଯାଇଥିବା ଅଭିଯୋଗ ହୋଇଛି। ଆମପାଣି ଗ୍ରାମର ଜୈନିକ ବ୍ୟକ୍ତିଙ୍କ କାର ବଙ୍ଗଳା ନିକଟରେ ରଖାଯାଇ ଥିଲା। ତେବେ ମଙ୍ଗଳବାର ରାତି ପ୍ରାୟ ୧୧ଟା ସମୟରେ ହଠାତ୍ କାରଟି କୈାଣସି କାରଣରୁ ନିଆଁ ଲାଗି ଯାଇଥିଲା। ରାତିରେ ଗାଡ଼ି ମାଲିକ ଦେଖିଲା ବେଳକୁ ନିଆଁ ଚାରିଆଡ଼େ ବ୍ୟାପିବା ସହ କାରଟି ସମ୍ପୂର୍ଣ୍ଣ ପୋଡି ଯାଇଥିଲା। ଏନେଇ ବୁଧବାର ସକାଳେ ଗାଡ଼ି ମାଲିକ ଆମପାଣି ଥାନାରେ ଲିଖିତ ଅଭିଯୋଗ କରିଛନ୍ତି। ଗାଡ଼ିଟି ସର୍ଟ୍ ସର୍କିଟ ଯୋଗୁଁ ନିଆଁ ଲାଗିଥିବା ମାଲିକ ଅନୁମାନ କରିଥିବା ବେଳେ ନିଆଁ ଲାଗିବାର ପ୍ରକୃତ କାରଣ ସ୍ପଷ୍ଟ ଜଣାପଡି ନାହିଁ। ଏନେଇ ଆମପାଣି ଥାନା ପୁଲିସ ଘଟଣାର ତଦନ୍ତ ଆରମ୍ଭ କରିଥିବା ଥାନା ପକ୍ଷରୁ ସୂଚନା ମିଳିଛି।
