ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ପ୍ରଜାପିତା ବ୍ରହ୍ମକୁମାରୀ ସଂସ୍ଥା ଦ୍ୱାରା ସମାଜରେ ଅଧ୍ୟାତ୍ମିକ ସଂସ୍କାର ସହିତ ଅନେକ ପ୍ରକାର ପ୍ରଶଂସନୀୟ ସେବା କାର୍ଯ୍ୟ କରାଯାଇଥାଏ। ଆଜି ନର୍ଲା ନିର୍ବାଚନ ମଣ୍ଡଳୀ ଅନ୍ତର୍ଗତ ଶାନ୍ତପୁର ଗ୍ରାମ ପଞ୍ଚାୟତର ସାନଚିଚିଙ୍ଗ (ଛତିକୁଡା) ଠାରେ ପ୍ରଭୁ ସ୍ମୁତି ଭବନର ଭୂମି ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବରେ ନର୍ଲା ବିଧାୟିକା ମନୋରମା ମହାନ୍ତି ଯୋଗଦାନ କରିଥିଲେ, ସମ୍ମାନୀତ ଅତିଥି ଭାବରେ ନର୍ଲା ପଞ୍ଚାୟତ ସମିତିର ଅଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି, ଶାନ୍ତପୁର ସମିତି ସଦସ୍ୟ ଜୟ ମେହେର, ଘଣ୍ଟମାଳ ସରପଞ୍ଚ ଦେବେନ୍ଦ୍ର ସା ପ୍ରମୁଖ ଉପସ୍ଥିତ ଥିଲେ। ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟ, ଜିଲ୍ଲା ମୁଖ୍ୟାଳୟ ଦିବ୍ୟ ଶକ୍ତି ଭବନ ଦେୱାନ ସାହେବ ପଡା, ଭବାନୀପାଟଣା ଦ୍ଵାରା କାର୍ଯ୍ୟକ୍ରମର ଆୟୋଜନ କରାଯାଇଥିଲା।
