ଶବ୍ଦକୁ ଶବ୍ଦରେ ଯୋଖି ଲେଖାଯାଇ ପାରେ କବିତା
ତିଆରି କରାଯାଇପାରେ ସ୍ୱପ୍ନର ପ୍ରହଳିକା
ତାଜମହଲକୁ ରଙ୍ଗୀନ କରେ କଲମ
କେମିତି ଚାତୁରୀ ସେମିତି ଅଂଗୀକାର
ଭଲପାଏ କବି ପାହାଡ଼ ,ପର୍ବତ ,ଶାମୁକା ଆଉ ଝର୍କା ସେପାଖ ଦୁନିଆକୁ ।
ଶବ୍ଦର ବାଣ କେତେ ପ୍ରଖର
ତୀର ଛାଡେ ତୂଣୀରୁ
ଶିକାର ହୁଏ ସୁନ୍ଦରୀ ,ଅବନୀ ,ଯଶୋଦା ବନ୍ଧାପଡେ
ବାନ୍ଧିବାକୁ/ ରୋକିବାକୁ ମଣିଷ ମରା ଡାହାଣା ଶ୍ଵାନ ଅବା ଶୃଗାଳକୁ
ଘାଉଲ ହୁଏ ନେତା ,କ୍ରେତା ,ମହାନ ଚିନ୍ତାନାୟକ ଆମ ସୃଷ୍ଟିକରତା ।
ଶବ୍ଦ ସମ୍ପର୍କ ଯୋଡ଼େ ସମ୍ପର୍କ ଭାଙ୍ଗେ
ଶବ୍ଦ କେତେବେଳେ ମିଠା ପୁଣି ଖଟା
ମା’ ଡାକର ପ୍ରଥମ ପ୍ରେମ ଆକାଶରୁ ତାରା ଛିଡ଼ାଇ
ଜହ୍ନ ଲୁଚକାଳି ଖେଳେ ପଣତରେ
ସମ୍ପର୍କ ବନ୍ଧାହୁଏ ବାପାର ବନ୍ଧୁର ପିଠିରେ ।
ଶବ୍ଦ ମୁକ୍ତି,ପ୍ରୀତି,ଆସକ୍ତିର ଅନୁରକ୍ତି
ବାସର ରାତିର ମିଠା ଅନୁଭୂତି
ଶବ୍ଦ ଦୁଇ ହୃଦୟର ଅଭିବ୍ୟକ୍ତି
ଉତ୍ତର ଆକାଶରେ ନିତି ଆସୁଥିବା
ଗୋଟେ କଅଁଳ ଶିଶୁପାଇଁ ପରିରାଇଜର
ସପ୍ତର୍ଷିମଣ୍ଡଳର ଅରୁନ୍ଧତୀ ।
ଶବ୍ଦ ଲୁଚକାଳିଖେଳେ ,ଗେହ୍ଲହୁଏ
ହୃଦୟର ଅଗଣାରେ ଭାବନାର ଅଗନା ଅଗନି ବନସ୍ତରେ
ସୁନାର ହରିଣୀ ହୋଇ ଶୂନ୍ୟତାକୁ ବଶୀଭୂତ କରି
ପ୍ରତିଶୋଧନିଏ ଜଳାଏ ନିଆଁ ,
ଘର ଭାଙ୍ଗେ ଗାଁ ରଙ୍ଗେଇ ତିଆରି କରେ ନିଜର ରାସ୍ତା
ନଇଁଯାଏ ମୁଣ୍ତ ମାଡ଼ିବସେ ବିଫଳତାର କାପୁରୁଷ ପଣିଆ ।
ବାଲ୍ୟମ୍ବା,ଢେଙ୍କାନାଳ -୭୫୯୦୧୫
ଦୂରଭାଷ :୯୭୭୬୮୯୩୩୪୮
