କଳାହାଣ୍ଡି/କର୍ଲାମୁଣ୍ଡା,୧୫/୦୮ : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ସିଆଲପଲା ଓ ଲକ୍ଷ୍ମୀପଡା ନିକଟରେ ହେଉଥିବା ଭୀମ ଭୋଇ ସାଂସ୍କୃତିକ କଳାମଣ୍ଡପ ଓ ଗ୍ରନ୍ଥାଳୟ ମଠରେ ମହିମା ଧର୍ମାବଲମ୍ବୀଙ୍କ ନବାନ୍ନ ଭକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାଧୁ ନାଲୁମୋହନ ଦାସ ଓ ଜୋରନ୍ଦା ଗାଦୀରୁ ସାଧୁ ଅନାଦି ଦାସଙ୍କ ତତ୍ତ୍ବାବଧାନରେ ଆୟୋଜିତ ଉତ୍ସବରେ ପାଞ୍ଚଶହରୁ ଅଧିକ ଧର୍ମାବଳମ୍ବୀ ଯୋଗ ଦେଇଥିଲେ। ସନ୍ଧ୍ୟାରେ ଅଖଣ୍ଡ ଦୀପ ପ୍ରଜ୍ଜଳନ ଓ ଭଜନ ପରିବେଷଣ କରାଯାଇଥିଲା। ଏହି ମଠରେ ସାଧୁ ମହେଶ୍ୱର ଦାସ, ସାଧୁ ଚୈତନ୍ୟ ଦାସ, ସିଆଲପଲା ଓ ଲକ୍ଷ୍ମୀପଡା ଗ୍ରାମ ବାସୀ ଭକ୍ତ ବୃନ୍ଦ ସର୍ବଶ୍ରୀ ବଳିଷ୍ଠ ସାହୁ, ଗୋପ ସାହୁ, ବିହାରୀ ସାହୁ, ଲମ୍ବୋଦର ସାହୁ, ଭରତ ସାହୁ, ହୃଦାନନ୍ଦ ରଣା, ରଥ ରଣା ପ୍ରମୁଖ ସହଯୋଗ କରିଥିଲେ।