ଧର୍ମଗଡ,୧୬/୮ : କଳାହାଣ୍ଡି ଜିଲ୍ଲାର ଅନ୍ୟତମ ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ସୋସିଆଲ ଆକ୍ଟିଭିଷ୍ଟ ଅଫ କଳାହାଣ୍ଡି ପକ୍ଷରୁ ଧର୍ମଗଡ ସ୍ଥିତ ଯଶୋଦା ଆଶ୍ରମରେ ୭୩ତମ ସ୍ବାଧୀତା ଦିବସ ଓ ରକ୍ଷା ବନ୍ଧନ ଉତ୍ସବ ପାଳିତ ହୋଇଯାଇଛି । ଆଶ୍ରମର ଅନ୍ତେବାସୀ ମାନଙ୍କ ସହ ଏକ ସୌହାର୍ଯ୍ୟପୂର୍ଣ୍ଣ ବାତାବରଣ ମଧ୍ୟରେ ଏହା ଆୟୋଜିତ ହୋଇଥିଲା ।
ସୋସିଆଲ ଆକ୍ଟିଭିଷ୍ଟ ଅଫ କଳାହାଣ୍ଡି ସଂଗଠନର ଉପ ସଭାପତି ମହେଶ୍ୱର ସୁନାନୀଙ୍କ ଉପସ୍ଥିତିରେ ଧର୍ମଗଡ଼ ଟିମ୍ ଓ କୋକସରା ଟିମ୍ ର ସହଯୋଗରେ ଅଜୟ ସୁନାନୀ, ଦିନେସ ପ୍ରଧାନ, ବନମାଲି, ଜଗା ସାଗର, କୋପନେଶ୍ୱର ବେମାଲ, ଜ୍ୟୋତିସ ମେହେର, ପିଙ୍କୁ ମେହେର ଓ ଅନ୍ୟାନ୍ୟ ସଦସ୍ୟ ଅଂଶ ଗ୍ରହଣ କରି କାର୍ଯ୍ୟକ୍ରମଟିକୁ ସଫଲ କରିଥିଲେ । ଏହି ଅବଶରରେ ଆଶ୍ରମ ମୁଖ୍ୟ ଶ୍ୟାମ ସୁନ୍ଦର ଜାଲଙ୍କ ସହ ସଂଗଠନର କାର୍ଯ୍ୟକର୍ତ୍ତା ମାନେ ଆଶ୍ରମର ବିଭିନ୍ନ ସୁବିଧା ଅସୁବିଧା ବିଷୟରେ ପଚାରି ବୁଝିଥିଲେ ।
ଗୁଗଲ୍ କ୍ରୋମ୍’ରେ odiabarta.in ଖୋଲନ୍ତୁ, ଲାଲ୍ ବେଲ୍ ବଟନ୍’ରେ କ୍ଲିକ୍ କରି ନୋଟିଫିକେସନ୍ ସବ୍ସକ୍ରାଇବ୍ କରନ୍ତୁ ଏବଂ ସମସ୍ତ ଖବର ଓ ବିଚାର ସୂଚନା ପାଆନ୍ତୁ
