ଆକଟ କରୁନାହାନ୍ତି ମାଲିକ, ସୃଷ୍ଟି ହେଉଛି ନାନା ସମସ୍ୟା

ଲାଞ୍ଜିଗଡ,୧୨/୭: ବେଦାନ୍ତ ପାଇଁ ଲାଞ୍ଜିଗଡ ଏକ ବ୍ୟସ୍ତ ବହୁଳ ସହରରେ ପରିଣତ ହୋଇଥିବାବେଳେ ଧିରେ ଧିରେ ଟ୍ରାଫିକ ସମସ୍ୟା ମଧ୍ୟ ସୃଷ୍ଟି ହେଉଛି । ଏହାକୁ ଅଧିକ ଜଟିଳ କରି ଦେଉଛନ୍ତି ବୁଲା ଗୋରୁ । ମାର୍କେଟର ବିଭିନ୍ନ ଛକ ମାନଙ୍କରେ ସବୁବେଳେ ଗାଈଗୋରୁ ଜମା ହୋଇ ରହୁଥିବା ବେଳେ ସନ୍ଧ୍ୟାରେ ପରିସ୍ଥିତି ଅଣାୟତ୍ତ ହେବାକୁ ଲାଗିଛି । ଟ୍ରାଫିକ ସମସ୍ୟା ସହ ଅନେକ ସମୟରେ ଛୋଟ ବଡ଼ ଦୁର୍ଘଟଣା ଘଟି ଚାଲିଛି । ଗୋରୁ ମାଲିକମାନେ ଗାଈଗୋରୁଙ୍କୁ ନିଜ ହିପାଜତରେ ରଖୁନଥିବାରୁ ଏହି ସ୍ଥିତି ଉପୁଜିଛି । ଏନେଇ ଲାଞ୍ଜିଗଡ ପଞ୍ଚାୟତ ନିକଟରେ ବାରମ୍ବାର ସ୍ଥାନୀୟ ଜନସାଧାରଣ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳୁନଥିବା ଲୋକେ ପ୍ରକାଶ କରିଛନ୍ତି । ଏଥିପ୍ରତି ପ୍ରଶାସନ ତରନ୍ତ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ।