ଉତ୍କଳ ଯାଦବ ମହାସଭାର ଧର୍ମଶାଳା ବ୍ଲକ ମହିଳା କର୍ମକର୍ତ୍ତା ମନୋନୀତ

● ରେଖାରାଣୀ ବାହାଲିଆ ସଭାନେତ୍ରୀ, ସୁଭାଷିନୀ ଦାସ ସମ୍ପାଦିକା

ଯାଜପୁର: ରାଜ୍ୟର ଯାଦବ ମାନଙ୍କ ସଂଗଠନ ‘ଉତ୍କଳ ଯାଦବ ମହାସଭା’ ବିଭିନ୍ନ ସାଙ୍ଗଠନିକ ଜିଲ୍ଲା ମାଧ୍ଯମରେ ତୃଣମୂଳ ସ୍ତରରୁ ସଂଗଠନକୁ ଅଧିକ ମଜଭୁତ କରୁଛି। ଉତ୍କଳ ଯାଦବ ମହାସଭାର ରାଜ୍ୟ ସଭାପତି ଆଶିର୍ବାଦ ବେହେରାଙ୍କ ବଳିଷ୍ଠ ନେତୃତ୍ବରେ ଏହା ପରିଚାଳିତ ହେଉଛି। ସେହି କ୍ରମରେ ଉତ୍କଳ ଯାଦବ ମହାସଭା ଯାଜପୁରର ସଭାପତି ଗଣେଶ୍ବର ଦାସଙ୍କ ପ୍ରତକ୍ଷ୍ୟ ତତ୍ବାବଧାନରେ ବ୍ଲକ ସ୍ତରରୁ ମହିଳା କାର୍ଯ୍ୟକର୍ତ୍ତା ମନୋନୟନ ପ୍ରକ୍ରିୟା ଜାରି ରହିଛି। ଧର୍ମଶାଳା ବ୍ଲକର ମହିଳା ସଭାନେତ୍ରୀ ଭାବେ ରେଖାରାଣୀ ବାହାଲିଆ ଓ ସଂପାଦିକା ଭାବେ ସୁଭାଷିନୀ ଦାସ ମନୋନୀତ ହୋଇଛନ୍ତି। ଯାଜପୁର ଜିଲ୍ଲା ସଭାପତି ଗଣେଶ୍ୱର ଦାସ ଏବଂ ଜିଲ୍ଲା ମହିଳା ସଭାନେତ୍ରୀ ପାର୍ବତୀ ବେହେରା ଏହି ନୂତନ କାର୍ଯ୍ୟକର୍ତ୍ତାଙ୍କ ନାମ ଘୋଷଣା କରିଛନ୍ତି।‌ ରେଖାରାଣୀ ବାହାଲିଆ ଓ ସୁଭାଷିନୀ ଦାସ ଧର୍ମଶାଳା ବ୍ଲକର ମହିଳା ସଭାନେତ୍ରୀ ଓ ସମ୍ପାଦିକା ଭାବେ ଅବସ୍ଥାପିତ ହେବାପରେ ଯାଜପୁର ଜିଲ୍ଲା ସମେତ ରାଜ୍ୟର ବିଭିନ୍ନ ପ୍ରାନ୍ତରୁ ସେମାନଙ୍କ ନିକଟକୁ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିବାରେ ଲାଗିଛି।