କଳାହାଣ୍ଡି, (ଲିଙ୍ଗରାଜ ମିଶ୍ର): ଏକ ବର୍ଣ୍ଣାଢ଼୍ୟ ପରିବେଶ ମଧ୍ୟରେ ରୁପ୍ରାରୋଡ ଠାରେ ମାଣବସା ଲକ୍ଷ୍ମୀପୂଜା ଚାଲିଛି। ନର୍ଲା ବ୍ଲକ ଅନ୍ତର୍ଗତ ରୁପ୍ରାରୋଡ ବସ୍ତିରେ ୩୫ବର୍ଷ ହେଲା ଲକ୍ଷ୍ମୀପୂଜା ଅନୁଷ୍ଠିତ ହୋଇ ଆସୁଛି। ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତିଙ୍କ ପ୍ରତକ୍ଷ୍ୟ ତତ୍ୱାବଧାନରେ ଆୟୋଜିତ ଏହି ପୂଜନୋତ୍ସବରେ କର୍ତ୍ତା ଭାବରେ ଶ୍ୟାମସୁନ୍ଦର ଶର୍ମା ଓ ତାଙ୍କ ଧର୍ମପତ୍ନୀ ସାବିତ୍ରୀ ଶର୍ମା ଥିବାବେଳେ ପୂଜକ ଭାବରେ ବିଷ୍ଣୁ ଚରଣ ପଣ୍ଡା ଓ ନୀଳମଣି ଖାଡଙ୍ଗା ଦାଇତ୍ୱ ନିର୍ବାହ କରୁଛନ୍ତି। ସୋମବାର ଅଧିବାସ ଓ କଳସ ଯାତ୍ରା ସହ ଆରମ୍ଭ ହୋଇଥିବା ଏହି ପୂଜା ଶୁକ୍ରବାର ଦିନ ପୂର୍ଣ୍ଣାହୂତି ସହ ସମାପନ ହେବ ବୋଲି ଜଣାପଡିଛି। ପୂଜା କାର୍ଯ୍ୟରେ ଦିନେଶ ଅଗ୍ରୱାଲ, ସୁଦୀପ୍ତ କୁମାର ସେଠୀ, ପୁନିତ କୋଟକ, କିଶନଲାଲ ଭୋଇ, ପଓ୍ବନ ଶର୍ମା, ଧିନା ଓଡ଼ିଆ, ମିଟୁ ଡାକୁଆ, ସୀମାଞ୍ଚଳ ଖାଡଙ୍ଗା, ଗିରିଧାରୀ ଭୋଇ ପ୍ରମୁଖ ସହଯୋଗ କରୁଛନ୍ତି।
