ଓଡ଼ିଆ ବାର୍ତ୍ତା/ ନୂଆପଡା (ମହେନ୍ଦ୍ର ବାଗ): ଜଙ୍ଗଲରୁ ଜାଳେଣି କାଠ ନେଇ ଘରକୁ ଫେରୁଥିବା ସମୟରେ ଟ୍ରକ ଧକ୍କାରେ ଜଣେ ବୃଦ୍ଧଙ୍କର ମୃତ୍ୟୁ ଘଟିଛି | ନୂଆପଡା ଜିଲ୍ଲା ଜୋଙ୍କ ଥାନା ସାଲିହ ଗାଁରେ ଘଟିଛି ଏହି ଦୁର୍ଘଟଣା | ମୃତକ ଜଣକ ହେଲେ ସାଲିହା ଗାଁର ରୂପ ସିଂ ବାରିକ | ସୂଚନା ଅନୁସାରେ ମଙ୍ଗଳବାର ସକାଳେ ସାଲିହା ଗାଁର ରୂପ ସିଂ ନିକଟରେ ଥିବା ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିଲେ | କାଠ ସଂଗ୍ରହ କରି ଘରକୁ ସାଇକେଲ ସାହାଯ୍ୟରେ ଫେରୁଥିଲେ | ଏହି ସମୟରେ ସାଲିହା ପଂଚାୟତ କାର୍ଯ୍ୟାଳୟ ଠାରେ ଏକ ବୋରୱେଲ ଟ୍ରକ ଗାଡି ତଳେ ଚାପି ହୋଇ ଯାଇଥିଲେ | ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା | ଘଟଣା ସ୍ଥଳରେ ଜୋଙ୍କ ପୋଲିସ ପହଂଚି ମୃତ ଦେହ ଜବତ କରିଛି | ଏହା ସହିତ ଦୁର୍ଘଟଣା ଘଟାଇ ଥିବା ଟ୍ରକଟିକୁ ଜବତ କରି ତଦନ୍ତ ଆରମ୍ବ କରିଛି |
