ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୁବର୍ଣ୍ଣପୁର ପୋଲିସ ପକ୍ଷରୁ ଲଛିପୁର ଥାନାରେ ମୋ ସରକାର ଆନୁକୁଲ୍ୟରେ ଏକ ମେଗା ରକ୍ତଦାନ ଶିବିର ଆୟୋଜିତ ହୋଇଯାଇଛି। ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ଏ ରକ୍ତ ଦାନ ଶିବିର କୁ ଉଦଘାଟନ କରିଥିଲେ । ଲଛିପୁର ଥାନା ର ଭାରପ୍ରାପ୍ତ ଥାନା ଅଧିକାରୀ ଶୋଭାକର ସେଠ୍ ଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ର ଏହି ରକ୍ତଦାନ ଶିବିରରେ ୨୦ ଜଣ ମହିଳାଙ୍କ ସମେତ ଅନ୍ୟ ସମସ୍ତେ ରକ୍ତଦାନ କରିଥିବା ବେଳେ ସମୁଦାୟ ୧୪୫ ୟୁନିଟ ରକ୍ତ ସଂଗ୍ରହ ହୋଇଥିଲା । ଜିଲ୍ଲା ତଥା ରାଜ୍ୟର କୌଣସି ରୋଗୀର ରକ୍ତ ଅଭାବ ରେ ଜୀବନ ନ ଯିବା ସକାଶେ ଓଡିଶା ପୋଲିସ ସବୁବେଳେ ଏହିପରି ଭାବରେ ରକ୍ତ ଦାନ ଶିବିରର ଆୟୋଜନ କରିବ ବୋଲି ଆରକ୍ଷୀ ଅଧିକ୍ଷକ କହିଛନ୍ତି। ଏହି ରକ୍ତ ଦାନ ଶିବିରକୁ ଜିଲ୍ଲା ଆରକ୍ଷୀ ନିରୀକ୍ଷକ କାହ୍ନୁ ଚରଣ ମାରାଣ୍ଡି, ଜିଲ୍ଲା ପୋଲିସ ରକ୍ତ ସଂଯୋଜକ ମନୋଜ୍ ପଣ୍ଡା ସମେତ ଲଛିପୁର ଥାନାର ଏସଆଇ ସରୋଜ ପାଣିଗ୍ରାହୀ, ଏଏସଆଇ ଜୟନ୍ତ ଧରୁଆ, ହାବିଲଦାର ବୃନ୍ଦାବନ ପଞ୍ଚବିହାର, ପୃଥୁରାଜ୍ କୁମାର, ସତ୍ୟାନନ୍ଦ ଧରୁଆ, କୈବଲ୍ୟ ମାଟି, ଧର୍ମେନ୍ଦ୍ର ସାହୁ, ବିକ୍ରମ ଦାସ ତଥା ଅଞ୍ଚଳର ସ୍ବେଚ୍ଛାସେବୀ ଘନଶ୍ୟାମ ମହାଲିଙ୍ଗ, ଶଙ୍କର ପ୍ରସାଦ ସା, ଜ୍ୟୋତି ରଞ୍ଜନ ନୁଆଇଁ, ଆଶିଷ ନନ୍ଦ, ସୋମନାଥ ହାତୀ, ଭୀମସେନ ସିଂହଙ୍କ ସମେତ ଅଞ୍ଚଳର ଜନ ସାଧାରଣ ସହଯୋଗ କରିଥିଲେ। ଏହି ଅବସରରେ ମହାନଦୀ ନେତ୍ର ଚିକିତ୍ସାଳୟ ତରଫରୁ ଏକ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ୪୦ ଜଣ ଚକ୍ଷୁ ପରୀକ୍ଷା କରିବା ସହିତ ୧୦ ଜଣଙ୍କୁ ମୋତିଆ ବିନ୍ଦୁ ଅସ୍ତ୍ରୋପଚାର ପାଇଁ ନେତ୍ର ଚିକିତ୍ସାଳୟ ପଣ୍ଡାପାଲି କୁ ସ୍ଥାନାନ୍ତରିତ କରାଯାଇଛି।
