ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ପୁରୁଷୋତ୍ତମପୁର ବିଜ୍ଞାପିତ ଅଞ୍ଚଳ ପରିଷଦ ଦ୍ଵାରା ସେତେବେଳ ର ବିଜେଡି ବିଧାୟିକା ଶ୍ରୀମତୀ ସୂର୍ଯ୍ୟମଣୀ ବୈଦ୍ୟଙ୍କ କରକମଳରେ ତା-21/04/2023 ରେ ସେହିସମୟ ର ସ୍ଥାନୀୟ ଅଧ୍ୟକ୍ଷା ଶ୍ରୀ ମତୀ ପ୍ରିୟଙ୍କା ଗୌଡ଼ ଉପାଧ୍ୟକ୍ଷ ଶ୍ରୀ ଯୁକ୍ତ କୃଷ୍ଣ ଚନ୍ଦ୍ର ପଣ୍ଡା, କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ସୌମ୍ୟ ରଞ୍ଜନ ମିଶ୍ର, ଯୋଜନା ପ୍ରାଧିକରଣ ଯନ୍ତ୍ରୀ ଶ୍ରୀ ବରୁଣ କୁମାର ବେହେରା, ବିକାଶ ପ୍ରାଧିକରଣ ଯନ୍ତ୍ରୀ ଶ୍ରୀ ସଂଗ୍ରାମ କେଶରୀ ନାୟକ ଏବଂ ଅନ୍ୟନ୍ୟ ନେତା କର୍ମୀ ପ୍ରଭୁତି ସମସ୍ତଙ୍କ ଉପସ୍ଥିତି ରେ ନୂଆଁ ମାଛ ବଜାରର ଭିତ୍ତି ପ୍ରସ୍ତର ସ୍ଥାପନା କରାଯାଇଥିଲା କିନ୍ତୁ ଦୁର୍ଭାଗ୍ୟର ବିଷୟ ଆଜକୁ ଦୀର୍ଘ ଦୁଇବର୍ଷ ଚାରି ମାସ ବିତିଯାଇଥିଲେ ମଧ୍ୟ ଏହାର ନବକଳେବର ହୋଇପାରିଲା ନାହିଁ | ସେହି ସମୟ ରେ ସେବା ସାମ୍ବାଦିକ ସଙ୍ଘ ର କିଛି ସାମ୍ବାଦିକ ଏହା ଉପରେ ନିଉସ କରି ଅନେକ ରାଜ ନେତା ଙ୍କ ଆକ୍ରୋଶ ର ସମ୍ମୁଖୀନ ହୋଇ ଥିଲେ | ତଥାପି ଏହା ଉପରେ ଅନ୍ୟ କାହାର ନଜର ପଡି ନଥିଲା ଯାହା ଫଳରେ ସେହି ଉଭୟ ରାସ୍ତା ଉପରେ ବସି ସ୍ଥାନୀୟ କିଛି ଵାସିନ୍ଦା ତାଙ୍କର ପେଟପୋଷଣ ପାଇଁ ମାଛ ବ୍ୟବସାୟ କରୁଛନ୍ତି | ଯାହା ଦ୍ଵାରା ରୋଡ ଉପରେ ପ୍ରତ୍ୟେକ ଦିନ ହଜାର ହଜାର ଗାଡି ମୋଟର ଯିବା ଆସିବା କରିବା ଦ୍ଵାରା କାଳୀମନ୍ଦିର ଚ୍ଛକ ରେ ଅଧିକାଂଶ ସମୟରେ ଆସିକା ହୁମା ରୋଡ଼ ରେ ଟ୍ରାଫିକ ସମସ୍ୟା ଦେଖା ଯାଉଛି, ଏବଂ କେତେବେଳେ ଦୁର୍ଘଟଣା ଘଟିବାର ସମ୍ଭାବନା ବେଶି ରହିଛି | ଏହା ସହ ମାଛ ବ୍ୟବସାୟୀ ମାନେ ମାଛ ର ଅବ୍ୟବହୃତ ଦ୍ରବ୍ୟ ଇରିଗେଶନ କେନାଲ ଓ ରାସ୍ତା କଡରେ କିଛି ବ୍ୟବସାୟୀ ପକାଉ ଥିବାରୁ ଭୀଷଣ ଦୁର୍ଗନ୍ଧ ଯୋଗୁଁ ଜନ ଜୀବନ ଅସ୍ତବ୍ୟସ୍ତ ହୋଇଯାଉଛି | ଦୀର୍ଘ ଦିନର ବ୍ୟବଧାନ ପରେ ଓ ସେହି ସ୍ଥାନର ଅସୁବିଧା କୁ ହୃଦୟଙ୍ଗମ କରି ପୁଣି ସେବା ସାମ୍ବାଦିକ ସଙ୍ଘ ବର୍ତମାନ ର କାର୍ଯ୍ୟ ନିର୍ବାହୀ ଅଧିକାରୀ ଙ୍କ ପାଖକୁ ଯାଇଏହାର ନିରାକରଣଉପରେ ଜଣାଇ ଥିଲେ |ଏବଂ ଏହା ଉପରେ କାର୍ଯ୍ୟ ନିର୍ବାହୀ ଅଧିକାରୀଙ୍କୁ ବର୍ତମାନ ର ନୂତନ ଅଧକ୍ଷ କୃଷ୍ଣ ଚନ୍ଦ୍ର ପଣ୍ଡା ମଧ୍ୟ କଥାବାର୍ତ୍ତା କରି ସେହି ସ୍ଥାନ ସାତ ଦିନ ମଧ୍ୟରେ ଖାଲିକରିବାକୁ କହିଥିଲେ | ବର୍ତମାନ ନୂତନ ସ୍ଥାନରେ ଅସ୍ଥାୟୀ ଭାବରେ ବସି ବିକି ବାକୁ କହି ପରେ ପିଣ୍ଡି କରିକିମ୍ବା ଘର କରିବାର ଯୋଜନା ରହିଛି ବୋଲି କହି ଥିଲେ | ଏବଂ ଆଜି ନୋଟିସ ମାରି ଏକ ଫ୍ଲେକ୍ସ ବେନେର ମଧ୍ୟ ସେହି ସ୍ଥାନରେ ଲଗାଇ ଛନ୍ତି | ଏହା ଅଧକ୍ଷ ଓ ନିର୍ବାହୀ ଅଧିକାରୀ ଙ୍କ ଏକ ପ୍ରଶଂସନୀୟ ଉଦ୍ୟମ ଅଟେ | ଏହାକୁ ଆମେ ଓ ବହୁତ ଜନ ସାଧାରଣ ସ୍ୱାଗତ କରିଛନ୍ତି | କିନ୍ତୁ ସାତ ଦିନ ମଧ୍ୟରେ ନୂତନ ସ୍ଥାନ ଚୟନ କରି ସେମାନଙ୍କୁ ଥଇଥାନ କଲେ କାର୍ଯ୍ୟ ନିର୍ବାହୀ ଅଧିକାରୀ ଓ ଅଧକ୍ଷ ଙ୍କ ସମ୍ମାନ ବୃଦ୍ଧି ହୋଇ ପାରିବବୋଲି ଜନ ସାଧାରଣ ଆଶା ବ୍ୟକ୍ତ କରି ଛନ୍ତି |
