କାଶିପୁର: ରାୟଗଡ଼ା ଜିଲ୍ଲା କାଶିପୁର ବ୍ଲକ ଟିକିରି ରେଳ ଷ୍ଟେସନ ଠାରୁ ୧୩/୧୪ କିମି ପୂର୍ବ ସିଙ୍ଗାରାମ୍ ରେଳ ଷ୍ଟେସନରେ ଗୋଟିଏ ପରିବାରର ୩ଜଣ ଆତ୍ମହତ୍ୟା କରିଥିବା ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳି ଯାଇଛି।

Omkar Vasthu

Near Ashish Medical Store, Bhawanipatna

ପ୍ରାପ୍ତ ସୂଚନା ଅନୁସାରେ ଦଶମନ୍ତପୁର ବ୍ଲକ ଚିକାମ୍ ଗ୍ରାମର କେଶବ ସୁବୁଦ୍ଧି (୪୦) ଦୀର୍ଘ ୧୦ ବର୍ଷରୁ ଉର୍ଦ୍ଧ୍ବ ହେବ ନିଜ ପରିବାର ସହ ଟିକିରି ଅଞ୍ଚଳର ପୋଡ଼ାପାଡି ଗ୍ରାମରେ ବାସ କରି ଆସୁଥିଲେ। ସୋମବାର ସକାଳ ପ୍ରାୟ ୯ ଟା ସମୟରେ କେଶବ ସୁବୁଦ୍ଧି ଏବଂ ଦୁଇ ସନ୍ତାନ ପୁଅ ସିଦ୍ଧୁ (୫) ଓ ଝିଅ ଶ୍ରୀୟା (୧୨)କୁ ବୁଲିବାକୁ ଯିବା କହି ଡାକି ନେଇଥିଲେ। ଟ୍ରେନ ଆସିବା ବିଳମ୍ବ ହେବା ଯୋଗୁଁ ସୀଙ୍ଗାରାମ୍ ଷ୍ଟେସନରେ କିଛି ସମୟ ଅପେକ୍ଷା କରିଥିଲେ। ରାୟଗଡ଼ାରୁ କୋରାପୁଟ ଅଭିମୁଖେ ଯାଉଥିବା ଏକ ମାଲବାହୀ ଟ୍ରେନ ସମ୍ମୁଖକୁ ଡେଇଁ ଆତ୍ମ ହତ୍ୟା କରିଥିବା ଜଣା ପଡିଛି‌। ଝିଅ ଖସି ପଳାଉଥିବା ବେଳେ ତାଙ୍କୁ ଟାଣି ଆଣି ଟ୍ରେନ ସମ୍ମୁଖକୁ ଠେଲି ଆତ୍ମ ହତ୍ୟା କରିଥିବା ସେଇଠି ଥିବା କିଛି କର୍ମଚାରୀ କହିଛନ୍ତି। ଆତ୍ମହତ୍ୟା ନ କରିବାକୁ ବହୁତ ଚେଷ୍ଟା କରିବା ପରେ ମଧ୍ୟ ସେ ଶୁଣି ନ ଥିବ କହିଛନ୍ତି କିଛି ଲୋକ।ଘଟଣା ସ୍ଥଳରେ ଲକ୍ଷ୍ମୀପୁର ଆରପିଏଫ ଓ ଲକ୍ଷ୍ମୀପୁର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରି ଶବ ବ୍ୟବଚ୍ଛଦ ପାଇଁ ନେଇ ଥିଲେ।ପାରିବାରିକ କଳହ ଯୋଗୁ ଆତ୍ମ ହତ୍ୟା କରିଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି।