କର୍ଲାମୁଣ୍ଡା,୧୨/୧୧:
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ କୁଶୁର୍ଲା-ଜୋରାଡ଼ବରା ଠାରେ ତୈଲିକ ବୈଶ୍ୟ ସାହୁ ସମାଜ ର ବାର୍ଷିକ ମହୋତ୍ସବ ମହା ସମାରୋହରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ରାଜ୍ୟର ବିଭିନ୍ନ ପ୍ରାନ୍ତରୁ ସାହୁ ସମାଜ ର ବିଶିଷ୍ଟ ବ୍ୟକ୍ତି ମାନେ ଉପସ୍ଥିତି ରହି ସମାଜିକ ଦିଗ ଉପରେ ଆଲୋକପାତ କରିଥିଲେ । ଦୃଢ଼ , ସଂସ୍କାରିତ ,ତଥା ସ୍ୱୟଂ ସମ୍ପୂର୍ଣ୍ଣ ସଂଗଠନର ପରିକଳ୍ପନା କରାଯାଇ ଏହା ଉପରେ ବିଷଦ ଆଲୋଚନା କରାଯାଇଥିଲା ।
ଏକ ମହାନ ପୃଷ୍ଠଭୂମି ଉପରେ ପ୍ରତିଷ୍ଠିତ ସାହୁ ସମାଜର ସ୍ବର୍ଣ୍ଣମ ଅତିତ ବିଷୟରେ ମନ୍ଥନ କରାଯାଇ ଏହାର ମହନୀୟତା ଉପରେ ବକ୍ତାମାନେ ଆଲୋକପାତ କରିଥିଲେ ।
କଳାହାଣ୍ଡି ଜିଲ୍ଲା ତୈଲିକ ସାହୁ ସମାଜ ର ସଭାପତି ନୀଳମଣି ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଅତିଥି ଭାବେ ନିଖିଳ ଉତ୍କଳ ତୈଲିକ ମହାସଭା ସଭାପତି ତଥା ପୂର୍ବତନ ଚିଲିକା ବିଧାୟକ ରଘୁନାଥ ସାହୁ , ନିଖିଳ ଉତ୍କଳ ତୈଲିକ ବୈଶ୍ୟ ସମାଜ ଉପସଭାପତି ସଂଜିବ କୁମାର ସାହୁ , ଟିଟିଲାଗଡ ବିଧାୟିକା ଟୁକୁନି ସାହୁ , କଳାହାଣ୍ଡି ଜିଲ୍ଲା ପରିଷଦ ଅଧକ୍ଷ୍ୟା ନମିତା ରାଣୀ ସାହୁ , ପୂର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷ କୀର୍ତ୍ତନ ସାହୁ , ବଲାଙ୍ଗୀର ଜିଲ୍ଲା ପରିଷଦ ଉପାଧ୍ୟକ୍ଷ ପାଣ୍ଡବ ସାହୁ ଓ ବିଶିଷ୍ଟ ବ୍ୟକ୍ତିତ୍ବ ଉତ୍କଳ ସାହୁଙ୍କ ସହ ଅନେକ ମାନ୍ୟଗଣ୍ୟ ବ୍ୟକ୍ତି ମଞ୍ଚାସିନ ଥିବାବେଳେ ଦୁର୍ଗାପ୍ରସାଦ ସାହୁ ଓ ସତ୍ୟନାରାୟଣ ସାହୁ ମଞ୍ଚ ପରିଚାଳନା କରିଥିଲେ । ନନ୍ଦକିଶୋର ସାହୁ କାର୍ଯ୍ୟକାରୀ ଆୟୋଜକ ଭାବେ ସଭାର ଆୟୋଜନ କରିଥିଲେ।
ଦୁର୍ଗା ପ୍ରସାଦ ସାହୁ , ସତ୍ୟନାରାୟଣ ସାହୁ, ଲଲାଟେନ୍ଦୁ ସାହୁ, ଓ ଉଜ୍ଜଳ ସାହୁ ପ୍ରମୁଖ ସଭା ସଂଯୋଜନା କରିଥିଲେ। ଏହି ଉତ୍ସବରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହେବା ସହ ସମାଜ ପାଇଁ ଉଲ୍ଲେଖନୀୟ କାର୍ଯ୍ୟ କରିଥିବା ବିଶିଷ୍ଟ ବ୍ୟକ୍ତିମାନଙ୍କ ସମ୍ରଦ୍ଧିତ କରାଯାଇଥିଲା। ଏହି ସମାରୋହରେ ପ୍ରବଳ ଜନ ସମାଗମ ପରିଳକ୍ଷିତ ହୋଇଥିଲା ।
