ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ପୁଣି ଥରେ ଉତ୍ତମ ଶିକ୍ଷା ପ୍ରଦାନ ପାଇଁ ସହରର ପ୍ରମୁଖ ଅଗ୍ରଣୀ ଶିକ୍ଷାନୁଷ୍ଠାନ ମହାନଦୀଧାରା ସୁଦୁର ଦିଲ୍ଲୀ ଠାରେ ଗୈାରବ ଓ ସଫଳତା ହାସଲ କରିଛି । ଗତ କିଛି ଦିନ ତଳେ ଦି ଲୀଲା ଆମ୍ବିଆନ୍ସ ଗୁରଗାଁଓ ଦିଲ୍ଲୀ ପକ୍ଷରୁ ଇଣ୍ଡିଆନ୍ ସ୍କୁଲ ଆୱାର୍ଡ଼ ଅନୁଷ୍ଠିତ ହୋଇଯାଇଛି । ସେଠାରେ ମହାନଦୀ ଧାରାର ମୁଖ୍ୟ ପ୍ଲାବନ ମହାପାତ୍ରଙ୍କୁ “ଇନ୍ସପ୍ୟାରେସନାଲ ଏଜୁକେଟର ” ଆୱାର୍ଡ଼ ” ସମ୍ମାନରେ ସମ୍ମାନିତ କରାଯାଇଛି । ମହାନଦୀ ଧାରା ଶିକ୍ଷାର ପ୍ରକୃତ ଅର୍ଥକୁ ପାଥେୟ କରି, ଛାତ୍ରଛାତ୍ରୀଙ୍କ ବିକାଶ ଏବଂ ଉଜ୍ଜ୍ୱଳ ଭବିଷ୍ୟତ ଗଢ଼ିବା ଦିଗରେ ଆଗେଇ ଚାଲିଛି ଓ ଦୃଢ଼ ପ୍ରଚେଷ୍ଟା ବଳରେ ଆଜି ଏହି ଉଚ୍ଚ ସମ୍ମାନର ଅଧିକାରୀ ହୋଇପାରିଛି ବୋଲି ଏକ ସାକ୍ଷାତକାରରେ ଶ୍ରୀ ମହାପାତ୍ର ଗଣମାଧ୍ୟମ ସାମ୍ନାରେ ପ୍ରକାଶ କରିବା ସହ ଏହି ଅନୁଷ୍ଠାନରେ ଶିକ୍ଷାରତ ଛାତ୍ରଛାତ୍ରୀ, ଶିକ୍ଷକ ଓ ଶିକ୍ଷୟିତ୍ରୀଙ୍କୁ ଏହାର ଶ୍ରେୟ ଦେଇଛନ୍ତି।
