ଲକ୍ଷାଧିକ ଟଙ୍କାର ଜିନିଷ ପୋଡି ପାଉଁଶ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବଣିକ ସଂଘ ତରଫରୁ ଧୁମଧାମରେ ବସଷ୍ଟାଣ୍ଡ ଠାରେ ଗଜଲକ୍ଷ୍ମୀ ପୂଜା ଚାଲିଥିବା ବେଳେ । ଗତକାଲି (ରବିବାର) ଗଭୀର ରାତିରେ ଘଟିଯାଇଛି ଅଘଟଣ। ନର୍ଲା ଚାରିଛକ ସ୍ଥିତ ସନ୍ତୋଷ ଗୌଡ଼ କମ୍ପ୍ଲେକ୍ସ ରେ ରହିଥିବା ଦୀପ୍ତି ଫୁଟ ୱେରରେ ନିଆଁ ଲାଗି ଲକ୍ଷାଧିକ ଟଙ୍କାର ଚପଲ, କାଠ ଓ କାଚ ନିର୍ମିତ ରେକ ସବୁ ପୋଡି ପାଉଁଶ ହୋଇଯାଇଥିବା ଜଣାପଡିଛି । ପାଖାପାଖି ରାତି ୧୨ ଟା ରୁ ୧୨.୩୦ ମଧ୍ୟରେ ନିଆଁ ଲାଗିଥିବା ଅନୁମାନ କରାଯାଉଛି । କିଛି ସ୍ଥାନୀୟ ବ୍ୟକ୍ତି ସଟର ବନ୍ଦ ଚପଲ ଦୋକାନରୁ ଖୁବ ଜୋରରେ ଧୂଆଁ ବାହାରିବା ଦେଖି ଦମକଳ ବାହିନୀ, ଦୋକାନ ମାଲିକ ଘଣ୍ଟାମାଲ ଗ୍ରାମ ପଂଚାୟତ ଆଡରିଙ୍ଗ ଗ୍ରାମର କୃଷ୍ଣଚନ୍ଦ୍ର ଓ କମ୍ପ୍ଲେକ୍ସ ମାଲିକ ସନ୍ତୋଷ ଗୌଡ଼ଙ୍କୁ ଖବର କରିଥିଲେ । ସ୍ଥାନୀୟ ବ୍ୟବସାୟୀ, ବଣିକ ସଂଘର ସଦସ୍ୟ ଓ ଯୁବକ ମାନେ ନିଆଁ ଲିଭାରେ ଦମକଳ ବହିନୀକୁ ସହଯୋଗ କରିଥିଲେ । ରାତି ନର୍ଲା ଦମକଳ ବାହିନୀ ଆସି ଦୁଇ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରିଥିଲେ । ହେଲେ ସେତେବେଳକୁ ଦୋକାନର ୮୦ ପ୍ରତିଶତରୁ ଉର୍ଦ୍ଧ୍ବ ବସ୍ତୁ ପୋଡି ପାଉଁଶ ହୋଇସାରିଥିବା ଜଣାପଡିଛି। ନର୍ଲା ପୋଲିସ ମଧ୍ୟ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସର୍ଟ ସର୍କିଟରୁ ଦୋକାନରେ ନିଆଁ ଲାଗିଥାଇପାରେ। ବୋଲି ଆଶଙ୍କା କରାଯାଉଛି।
