ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ଆଜି ମହାସମାରୋହରେ ସୋନପୁର ର ସର୍ବ ଭାରତୀୟ ଲାଲମନି କ୍ରିକେଟ୍ ଟୁର୍ଣ୍ଣlମେଣ୍ଟ ଉଦ୍ଘlଟିତ ହୋଇଯାଇଛି। ଏହା ସହିତ ଏହାର ଲୋଗୋ ମଧ୍ଯ ଉନ୍ମୋଚନ ହୋଇଥିବା ବେଳେ ମୂଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଶ୍ରୀ ବିମଳେନ୍ଦୁ ରାୟ ଯୋଗ ଦେଈ ଏହି ଲାଲମନି କ୍ରିକେଟର ଭବ୍ୟ ଅୟୋଜନକୁ ଓ ଆୟୋଜକଙ୍କ ନିଷ୍ଠା, ଉତ୍ସର୍ଗ ଓ କଠିନ ପରିଶ୍ରମକୁ ଭୂୟସି ପ୍ରଶଂସା କରିଥିଲେ। ଏବଂ ଲାଲମନି କ୍ରିକେଟ୍ ଜିଲ୍ଲାର ନୂଆଁ କ୍ରିକେଟ୍ ପ୍ରେମୀଙ୍କୁ ପ୍ରେରଣା ଦେବ ବୋଲି ମତ ରଖି ନୂଆଁ ଖେଳାଳୀଙ୍କୁ କୋଚିଂ ଦେବାକୁ ପରାମର୍ଶ ଦେଇଥିଲେ। ଏସପି ଅମରେଶ ପଣ୍ଡା ସମ୍ମାନିତ ଅତିଥି ଭାବରେ ଯୋଗ ଦେଇ ଲାଲମନିର ଏଭଳି ଅୟୋଜନ ସୁବର୍ଣ୍ଣପୁର ପାଇଁ ଗୌରବ ବୋଲି ମତ ରଖି ଏହାର ଯତ୍ନ ଓ ସୁରକ୍ଷା ଆମ ସମସ୍ତ ଙ୍କ ଦାୟିତ୍ଵ ବୋଲି କହିଥିଲେ ଓ ଏ ଭବ୍ୟ ଅୟୋଜନ ଖେଳାଳୀ, ଦର୍ଶକଙ୍କୁ ଆକୃଷ୍ଟ କରିବ ବୋଲି କହିଥିଲେ। ଅନ୍ୟତମ ଅତିଥି ସମାଜ ସେବୀ ଶ୍ରୀବତ୍ସ ମଲ୍ଲିକ, କ୍ରିକେଟ୍ କମିଟି ସଭାପତି ରାମ ଶଙ୍କର ସାହୁ, ସମ୍ପାଦକ ପ୍ରଦୀପ ସେଠି, କୋଷାଧ୍ୟକ୍ଷ ସତ୍ୟ ନାରାୟଣ ରାଓ ମଞ୍ଚାସିନ ଥିଲେ। ସଭାକୁ ଶ୍ରୀ ରାଓ ପରିଚଳନା କରିଥିବା ବେଳେ ପରେ ପରେ ମେଲୋଡ଼ି କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା। ପ୍ରଥମେ ଇଷ୍ଟଦେବୀ ମା ସୁରେଶ୍ଵରୀ ଙ୍କ ମନ୍ଦିର ରେ ପୂଜାର୍ଚ୍ଚନା କରାଯାଇ ଏକ ଶୋଭାଯାତ୍ରା ଆସି ଗାନ୍ଧି ଷ୍ଟାଡିୟମ ରେ ପହଞ୍ଚିଥିଲା। ଦୀର୍ଘ ୩ ବର୍ଷ ବ୍ୟବଧାନ ରେ ଏକ ନୂଆଁ ରୁପ ରଙ୍ଗ ରେ ଏ କ୍ରିକେଟ୍ ଅୟୋଜନ ହେଉ ଥିବାରୁ କ୍ରିକେଟ ପ୍ରେମୀ ଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି।
