ଓଡ଼ିଆ ବାର୍ତ୍ତା/ କଟକ ସଦର: ସୋମବାର ସନ୍ଧ୍ୟାରେ ୪୨ମୌଜା ଅନ୍ତର୍ଗତ ବନ୍ତୁଣିଆ ଗ୍ରାମ ସ୍ଥିତ ଶ୍ରୀ ବନ୍ତେଶ୍ୱର ମହାଦେବଙ୍କ ପବିତ୍ର ପୀଠରେ ଗ୍ରାମବାସୀଙ୍କ ପକ୍ଷରୁ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ପରିପ୍ରେକ୍ଷୀରେ ଆଧ୍ୟାତ୍ମିକ କାର୍ଯ୍ୟକ୍ରମ ମହାସମାରୋହରେ ଅନୁଷ୍ଠିତ ହୋଇଯାଇଛି। ଗ୍ରାମର ସମସ୍ତ ମହିଳା ମାନଙ୍କ ଉପସ୍ଥିତିରେ ପ୍ରଭୁ ଶ୍ରୀ ରାମଲାଲଲଙ୍କ ଉଦ୍ଧେଶ୍ୟରେ ଭକ୍ତି ପୂର୍ଣ୍ଣ ସମ୍ମାନ ଜଣାଇ ଏକ ହଜାର ଆଠ ପ୍ରଦୀପ ପ୍ରଜ୍ବଳନ କରାଯାଇଥିଲା। ସମ୍ମାନୀୟ ଅତିଥି ଭାବେ ଉପସ୍ଥିତ ୪୨ମୌଜା ଥାନା ଅଧିକାରୀ ଗିରିଶ ଚନ୍ଦ୍ର ମହାରଣାଙ୍କୁ ଗ୍ରାମବାସୀଙ୍କ ପକ୍ଷରୁ ସମ୍ମାନିତ କରାଯାଇଥିଲା। ପରେପରେ ଓଡ଼ିଶୀ ସଙ୍କୀର୍ତ୍ତନ ପରିବେଷଣ ସହ ପ୍ରସାଦ ସେବନ କରାଯାଇଥିଲା। କାର୍ଯ୍ୟକ୍ରମରେ ଗ୍ରାମ ସଭାପତି ପୁଷ୍ପ ରଞ୍ଜନ ବିଶ୍ଵାଳ, ସମ୍ପାଦକ ସତ୍ୟନାରାୟଣ ଦାଶ, କୋଷାଧ୍ୟକ୍ଷ କୃଷ୍ଣଚନ୍ଦ୍ର ସେଠୀଙ୍କ ସମେତ ପଣ୍ଡିତ ରଘୁନାଥ ଦାଶ, ସଦାଶିବ ବିଶ୍ବାଳ, ଅମିତାଭ ବିଶ୍ବାଳ, ଅମୂଲ୍ୟ ସେନାପତି, ଅଶୋକ ଦାଶ, ଅଶୋକ ଜେନା, ପର୍ଶୁରାମ ନାୟକ, ଦେବରାଜ ଦାଶ, ବିଶ୍ଵନାଥ ବିଶ୍ବାଳ, ଅକ୍ଷୟ ବିଶ୍ବାଳ, ନାରାୟଣ ସେଠୀ, ଦୀପ୍ତି ରଞ୍ଜନ ଶାସେନି, ସୁଶାନ୍ତ ବିଶ୍ବାଳ, ପ୍ରକାଶ ବେହେରା, ଚିତ୍ତରଞ୍ଜନ ବିଶ୍ବାଳ, ଅରକ୍ଷିତ ଦାଶ, ଗୋବର୍ଦ୍ଧନ ମଲ୍ଲିକ ଓ ମନୋରଞ୍ଜନ ମଲ୍ଲିକ ପ୍ରମୁଖ ଅଂଶ ଗ୍ରହଣ କରିଥିଲେ।
