ଓଡ଼ିଆ ବାର୍ତ୍ତା/ ହାଟଡିହି: ଓଡ଼ିଶାର ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ଜୟଦୂର୍ଗା ଫାଉଣ୍ଡେସନ ଟ୍ରଷ୍ଟର ୫ମ ବାର୍ଷିକ ଉତ୍ସବ ଶୁକ୍ରବାର ଦିନ ଅନୁଷ୍ଠିତ ହୋଇଛି। ଜୟଦୁର୍ଗା ଗ୍ରାଉଣ୍ଡ ହାଟଡିହିରେ ଅନୁଷ୍ଠିତ ବାର୍ଷିକ ଉତ୍ସବ କାଯ୍ୟକ୍ରମରେ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଏହା ସହ ସ୍ତମ୍ବ ଲେଖା ପାଇଁ ଶ୍ରୀ ରବିନାରାୟଣ ପଟ୍ଟନାୟକଙ୍କୁ ଜୟଦୂର୍ଗା ଫାଉଣ୍ଡେସନ ସମ୍ମାନ ୨୦୨୪ ସମ୍ମାନ ରେ ସମ୍ମାନିତ କରାଯାଇଛି। ବରେଣ୍ୟ ଅତିଥି ବୁନ୍ଦ ଶ୍ରୀ ପଟ୍ଟନାୟକଙ୍କୁ ଉତ୍ତରୀୟ, ଆୱାର୍ଡ଼ ଓ ପୁଷ୍ପଗୁଚ୍ଛ ଦେଇ ସମ୍ମାନିତ କରିଥିଲେ। ସମ୍ମାନ ଗ୍ରହଣ ସମୟରେ ଶ୍ରୀ ପଟ୍ଟନାୟକ ଭାବବିହୋଳ ହୋଇଯାଇଥିଲେ। ସମ୍ମାନ ଗ୍ରହଣ କରି ନିଜ ପତିକ୍ରିୟା ରେ ଶ୍ରୀ ପଟ୍ଟନାୟକ କହିଛନ୍ତି, ଏହି ସ୍ଥାନରେ ମୋ ବାପାଙ୍କ ବାଲ୍ୟଜୀବନ କଟିଛି ଆଉ ସେଇ ଜାଗାରୁ ମୁଁ ସମ୍ମାନ ଗ୍ରହଣ କରିଥିବାରୁ ଭାବବିହୋଳ ହେବ ସ୍ଵାଭାବିକ ଏହା ସହ ଅନୁଷ୍ଠାନ ର ସମସ୍ତ ସଦସ୍ୟଙ୍କୁ କୁତଜ୍ଞତା ଜଣାଇଥିଲେ। ଶ୍ରୀ ପଟ୍ଟନାୟକ ସମାଜସେବୀ ସହ ସ୍ତମ୍ବକାର। ନିଜ ପ୍ରତି ଜନ୍ମ ଦିନ ରେ ରକ୍ତ ଦାନ କରିବା ସହ ଦୈନିକ ଖବର କାଗଜରେ ସ୍ତମ୍ବ ଲେଖିବା ଓ ସମାଜ ସେବା ପାଇଁ ସେ ଓଡ଼ିଶା ର ବିଭିନ୍ନ ଜାଗାରୁ ସମ୍ମାନିତ ହେଇଛନ୍ତି। ଏହି ସମ୍ମାନ ଗ୍ରହଣ କରିବା ପରେ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।
