ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ସରସ୍ଵତୀ ଶିଶୁ ବିଦ୍ୟା ମନ୍ଦିର ବୋର୍ଡା ଠାରେ ଗୁଗୁଦିବସ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଏନେଇ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ସୁରେନ୍ଦ୍ର ମିଶ୍ର, ସମ୍ମାନିତ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ଟିକେମଣି ଶବର ଯୋଗଦାନ କରିଥିଲେ। ଏଥିରେ ଅନ୍ୟ ଅତିଥି; ପରିଚାଳନା ସମିତିର ସଭାପତି ଗଙ୍ଗାଧର ଭାଟି, ଉପସଭାପତି ଜଗଦୀଶ ଜୈନ, ସମ୍ପାଦକ ରୋଷନ ଲାଲ ଛତାର, ସଭ୍ୟା ପିଙ୍କୁଇନ ପଧାନ ମଧ୍ୟ ଉପସ୍ଥିତ ଥିଲେ। ଛାତ୍ର/ ଛାତ୍ରୀମାନେ ଫୁଲମାଲ ଓ ବିଭିନ୍ନ ଉପହାର ଦେଇ ଗୁରୁ ପୂଜନ କରିଥିଲେ। ପ୍ରଧାନ ଆଚାର୍ଯ୍ୟ ମାନସ ପ୍ରଧାନ ସ୍ବାଗତ ଭାଷଣ ପ୍ରଦାନ କରିଥିବା ବେଳେ, ଆଚାର୍ଯ୍ୟ ପ୍ରତିନିଧି ମୋହନ ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ। ଟୁକୁଚନ୍ଦ୍ର ଦାଶ, ନିଭୃତ ପଧାନ, ଅମିତ ପଧାନ, ଅବନୀ ସାହୁ, ହେମନ୍ତ ବଗର୍ତ୍ତି, ଚରଣ କୁମାର ବାଗ, ସନ୍ତୋଷ ପୁଟେଲ, ଅନୀତା ଲେଙ୍କା, ଗୀତାଞ୍ଜଳୀ ଥାନପତି, ସମିତା ପ୍ରଧାନ, ସୁଜାତା ଭୋଇ, ଗୀତାଞ୍ଜଳୀ ତାଣ୍ଡି ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
