ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ସରସ୍ବତୀ ଶିଶୁ ବିଦ୍ୟା ମନ୍ଦିର ବାଲାଜୀ ବିହାର ଭବାନୀପାଟଣା ଠାରେ ଗୁରୁଦିବସ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ଏନେଇ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଅବସର ପ୍ରାପ୍ତ ଇଂରାଜୀ ଶିକ୍ଷକ ତଥା ଉକ୍ତ ବିଦ୍ୟାଳୟର ପୂର୍ବତନ ସମ୍ପାଦକ ବିଜୟ କୁମାର ପାତ୍ର ଓ ସମ୍ମାନିତ ଅତିଥି ଭାବରେ ଏସ. ଭି ଲକ୍ଷ୍ମୀ ଯୋଗଦାନ କରିଥିଲେ | ତତ ସହିତ ବିଦ୍ୟାଳୟର ସମ୍ପାଦକ ସୁରେଶ ଚନ୍ଦ୍ର ସାହୁ, ଯୁଗ୍ମ ସମ୍ପାଦକ ଗିରିଜା ଶଙ୍କର ସାହୁ, ପ୍ରଧାନ ଆଚାର୍ଯ୍ୟ ଦାଶରଥି ପଣ୍ଡା ପ୍ରମୁଖ ଉପସ୍ଥିତ ରହି ମା ସରସ୍ବତୀଙ୍କ ନିକଟରେ ଜ୍ଞାନର ଦୀପ ପ୍ରଜ୍ବଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ | ଡ. ସର୍ବପଲୀ ରାଧାକୃଷ୍ଣନଙ୍କ ଫଟୋ ଚିତ୍ରରେ ଶିଶୁ ଭାଇ ଭଉଣୀଙ୍କ ସହ ଅତିଥି ବୃନ୍ଦ ଓ ଅନୁଷ୍ଠାନର ଗୁରୁଜୀ ଗୁରୁମାମାନେ ପୁଷ୍ପାର୍ଚ୍ଚନା କରିଥିଲେ | ଗୁରୁଦିବସ ଅବସରରେ ବିଦ୍ୟାଳୟ ତରଫରୁ ବିଜୟ କୁମାର ପାତ୍ର, ଏସ. ଭି. ଲକ୍ଷ୍ମୀ, ସୁରେଶ ଚନ୍ଦ୍ର ସାହୁ, ବିରଞ୍ଚି କୁମାର ତାଣ୍ଡି, ଗିରିଜା ଶଙ୍କର ସାହୁ ପ୍ରମୁଖଙ୍କୁ ସମ୍ମାନିତ କରାଯାଇଥିଲା | ରୁପେଶ କୁମାର ପଣ୍ଡା କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ ।
