୪ର୍ଥ ବାଟାଲିୟନ ସିଆରପିଏଫ ଯବାନଙ୍କ ହାତରେ ରାକ୍ଷୀ ବାନ୍ଧିଲେ ଛାତ୍ରୀ

ଅନାଥାଶ୍ରମ ଓ ବୃଦ୍ଧାଶ୍ରମର ଅନ୍ତେବାସୀଙ୍କ ସହ କମାଣ୍ଡଡେଣ୍ଟ ପାଳିଲେ ସ୍ୱାଧୀନତା ଦିବସ

ରାୟଗଡ,୧୫/୮ : ଚଳିତ ବର୍ଷ ଅଗଷ୍ଟ ୧୫ତାରିଖରେ ୭୩ତମ ସ୍ୱାଧୀନତା ଦିବସ ସହ ପବିତ୍ର ରକ୍ଷା ବନ୍ଧନ ପଡିଥିବା ବେଳେ ଏହାକୁ ରାୟଗଡ ସହରର ଇନ୍ଦିରା ନଗର ଠାରେ ଥିବା ୪ର୍ଥ ବାଟାଲିୟନ ସିଆରପିଏଫ ହେଡ୍ କ୍ୱାଟର୍ସ ପରିସରରେ ମହା ସମାରୋହରେ ପାଳନ କରାଯାଇଛି ।

କମାଣ୍ଡଡେଣ୍ଟ ୱାଇ.କେ.ରାଜପୁତ ଜାତୀୟ ପତାକା ଉତୋଳନ କରି ସ୍ୱାଧୀନତା ଦିବସ ପାଳନର ମୁଖ୍ୟ ଉଦ୍ଦେଶ୍ୟ ସଂପର୍କରେ ଦେଶକୁ ସ୍ୱାଧୀନତା ଆଣିବାରେ ସଂଗ୍ରାମୀ ଭାବେ ନିଜ ଜୀବନକୁ ବଳିଦାନ ଦେଇଥିବା ମହାନ ବରପୁତ୍ର ଓ ଦେଶକୁ ସୁରକ୍ଷା ଦେଇ ଶହୀଦ ହୋଇଥିବା ଯବାନମାନଙ୍କ ବଳିଦାନ ବିଷୟରେ ଅଭିଭାଷଣ ପ୍ରଦାନ କରିଥିଲେ ।

 

ଏହି ଉତ୍ସବ କାର୍ଯ୍ୟକ୍ରମରେ ନିଜର କର୍ତବ୍ୟରେ ଦେଶପାଇଁ ଉତ୍ସଗୀକୃତ ସେବା ସହ ସାହସିକତା ,ବୀରତ୍ୱ ପାଇଁ ପୁରସ୍କୃତ ହୋଇଥିବା ଯବାନମାନଙ୍କ ନାମକୁ ପଠନ କରିଥିବା ବେଳେ ଉପସ୍ଥିତ ସମସ୍ତ ଅଧିକାରୀ ଓ ଯବାନମାନେ ଶୁଭେଚ୍ଛା ଜଣାଇଥିଲେ । ଏହି କାର୍ଯ୍ୟକ୍ରମରେ ସେକେଣ୍ଡ-ଇନ୍-କମାଣ୍ଡଡେଂଟ ଶ୍ରୀମତି ମିତୁ ରଏ, ଆସିସଷ୍ଟାଂଟ କମାଣ୍ଡଡେଂଟ ସୁମନ ମିଶ୍ରା, ଲକ୍ଷ୍ମୀ ନାରାୟଣଙ୍କ ସମେତ ଅନ୍ୟ ଅଧିକାରୀ ଓ ଯବାନମାନେ ଉପସ୍ଥିତ ରହିଥିଲେ ।

ସେହିିପରି ହେଡ୍ କ୍ୱାଟର୍ସର ପତାକା ଉତୋଳନ କାର୍ଯ୍ୟକ୍ରମ ପରେ ସମସ୍ତ ଅଧିକାରୀ ଓ ଯବାନମାନେ ସହରର ସ୍ଥାନୀୟ ସେବା ସମାଜ ଅନାଥାଶ୍ରମର କୁନି କୁନି ଅନ୍ତେବାସୀ ଓ ଶକ୍ତି ଅନୁଷ୍ଠାନର ବୃଦ୍ଧାଶ୍ରମର ବୃଦ୍ଧବୃଦ୍ଧା ଅନ୍ତେବାସୀଙ୍କ ସହ ମିଶି ସ୍ୱାଧୀନତା ଦିବସ ପାଳନ କରିଥିଲେ । ଅନ୍ତେବାସୀମାନଙ୍କୁ ଷ୍ଟେସନାରୀ ସାମଗ୍ରୀ ସହ ଫଳ ଓ ଔଷଧ ବଂଟନ କରିଥିଲେ ।

ସେହିପରି ଅଗଷ୍ଟ ୧୫ତାରିଖରେ ଭାଇ ଉଉଣୀଙ୍କ ପବିତ୍ର ସଂପର୍କର ସ୍ନେହର ଦିନ ରକ୍ଷା ବନ୍ଧନ ମଧ୍ୟ ପାଳିତ ଥିବାରୁ ୪ର୍ଥ ବାଟାଲିୟନ ସିଆରପିଏଫ କ୍ୟାମ୍ପ ପରିସରରେ ରକ୍ଷା ବନ୍ଧନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଦେଶର ସୀମାନ୍ତ ହେଉ ଅଥବା ଆଭ୍ୟନ୍ତରୀଣକୁ ସୁରକ୍ଷା ଯୋଗାଇ ଦେଇ ଆସୁଥିବା ଯବାନମାନଙ୍କ ପାଇଁ ସାରା ଦେଶବାସୀ ଶାନ୍ତି ନିଦ୍ରାରେ ଶୋଇ ପାରୁଛନ୍ତି । ତେଣୁ ଭଉଣୀମାନେ କେବଳ ନିଜର ଭାଇଙ୍କ ହାତରେ ହିଁ ନାହିଁ ସେହି ଯବାନମାନଙ୍କ ହାତରେ ମଧ୍ୟ ରାକ୍ଷୀ ବାନ୍ଧି ଦେଶର ସୁରକ୍ଷା ଆଶା ରଖିଥାନ୍ତି ।

ଏହି ଉଦ୍ଦେଶ୍ୟ ନେଇ କେନ୍ଦ୍ରୀୟ ବିଦ୍ୟାଳୟ ଓ ରୟତ କଲୋନୀ ସ୍ଥିତ ସ୍ୱାମୀ ବିବେକାନନ୍ଦ ବିଦ୍ୟାଳୟର ଛାତ୍ରଛାତ୍ରୀ ଏବଂ ପ୍ରଜାପତି ଓମ ଶାନ୍ତି ସଂସ୍ଥାର ଭଉଣୀମାନେ ସିଆରପିଏଫ ଅଧିକାରୀ ଓ ଯବାନମାନଙ୍କ ହାତରେ ରାକ୍ଷି ବାନ୍ଧିଥିଲେ । କାର୍ଯ୍ୟକ୍ରମ ଶେଷରେ ସେକେଣ୍ଡ ଇନ୍ କମାଣ୍ଡଡେଂଟ ଶ୍ରୀମତି ମିତୁ ସିଂ ଭାଇଭଉଣୀଙ୍କ ପବିତ୍ର ସଂପର୍କର ଡୋରି ରାକ୍ଷୀ ବନ୍ଧନ ଉପରେ ବକ୍ତବ୍ୟ ଦେଇ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ ।

ରାୟଗଡରୁ ସ୍ବତନ୍ତ୍ର ପ୍ରତିନିଧି ଶିବ ନାରାୟଣ ଗୌଡଙ୍କ ରିପୋର୍ଟ odiabarta.in

For latest news & updates, click on bell button and subscribe to notifications.

Like us on Facebook👇

http://facebook.com/odiabarta

Click here to get daily News  & Views update 👇

https://bit.ly/OBgroup3