ଟେମରୀ, (ଜଗୁଜୀବନ ସା): ଗୋଳମୁଣ୍ଡା ବ୍ଳକ ଅନ୍ତର୍ଗତ ଚିଚିଆ ଗ୍ରାମ ପଞ୍ଚାୟତର ପଣ୍ଡକୁଳ ଗ୍ରାମର ରାଧା କୃଷ୍ଣ ମଣ୍ଡପରେ କାର୍ତ୍ତିକ ପୂର୍ଣିମା ଉପଲକ୍ଷେ ବ୍ରହ୍ମବୈବର୍ତ ପୁରାଣ ପରାୟଣ ଅନୁଷ୍ଠିତ ହୋଇଯାଇଛି। ଏଥିରେ ସତ୍ୟ ନାରାୟଣ ମେହେର ଓ ତାଙ୍କ ଧର୍ମପତ୍ନୀ ପଦ୍ମାବତୀ ମେହେର କର୍ତ୍ତା ଭାବରେ ପରାୟଣ କାର୍ଯ୍ୟ ତୁଲାଉଥିବା ବେଳେ ଗାୟକ ଦିଲୀପ ଶଙ୍କର ଦାସ ପୁରାଣ ପଠନ କରିଥିଲେ। ୫ ଦିନ ଧରି ପାରମ୍ପାରିକ ବିଧାନ ଅନୁସାରେ ଅଭିରାମ ମେହେର, ଯଶୋଦା ମେହେର, ତପସ୍ୱିନୀ ମେହେର, ପଦେ ମେହେର, ଅଜୟ ପଧାନ, ରୂପଧର ମେହେର, ଜିତ ମେହେର ଶ୍ରୁତି ଭାବରେ ପୁରାଣ ପଠନରେ ଯୋଗ ଦେଇଥିବା ବେଳେ ଶାନ୍ତ ମେହେର, ବିନୟ ପଧାନ, ଅକ୍ଷୟ ପଧାନ , ସରୋଜ ପଧାନ, ଅନଙ୍ଗ ପ୍ରଧାନଙ୍କ ସମେତ ପଧାନ ପଡା, ଦାସ ପଡା ଓ ମେହେର ପଡା ଭକ୍ତବୃନ୍ଦ ସହଯୋଗ କରିଥିଲେ। ଏଥିରେ ପାରାୟଣ ସହ ଭଜନ ଓ ସଂକିର୍ତ୍ତନ୍ୟ ଆୟୋଜିତ ହୋଇଥିଲା।
