କେସିଙ୍ଗା, (ମଧୂସୁଦନ ଠାକୁର): ଏକ ବର୍ଣ୍ଣାଢ଼୍ୟ ପରିବେଶ ମଧ୍ୟରେ କେସିଙ୍ଗା ଏଲ୍ଆଇସି ଅଫିସ ର ୧୧ତମ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇ ଯାଇଛି। ଏନେଇ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଡିଭିଜନାଲ ମ୍ୟାନେଜର (ସେଲସ) ବ୍ରହ୍ମା ନନ୍ଦ ତ୍ରିପାଠୀ ଯୋଗଦେଇ ଭାରତୀୟ ଜୀବନ ବୀମା ନିଗମର ବିଭିନ୍ନ ଉନ୍ନତି ମୂଳକ କାର୍ଯ୍ୟ ସମନ୍ଧରେ ଆଲୋକପାତ କରିଥିଲେ।ଅନ୍ୟ ମାନଙ୍କ ମଧ୍ୟରେ ଭବାନୀପାଟଣା ଶାଖା ପରିଚାଳକ ସୁରେଶ ଚନ୍ଦ୍ର ସାହୁ, କେସିଙ୍ଗା ଶାଖା ପରିଚାଳକ ଶିବରାମ ପ୍ରଧାନ, ଏଏଓ ଗଙ୍ଗାଧର ବେହେରା, ଏଏଓ ପ୍ରହଲ୍ଲାଦ ରଣା, ଡେଭଲପମେଣ୍ଟ ଅଫିସର ପ୍ରଦୀପ ମହାପାତ୍ର, ଲକ୍ଷ୍ମୀ କାନ୍ତ ମେହେର, ସମର୍ ସେନ୍ ମଲ୍ଲିକ, ବିଷ୍ଣୁ ଚରଣ ସାହୁ, ଶଙ୍କର ଦୀପ ପ୍ରମୁଖ ଉପସ୍ଥିତ ଥିଲେ। ଜନ୍ମଦିବସ ଅବସରରେ କେସିଙ୍ଗା ଏଲ୍ଆଇସି କାର୍ଯ୍ୟାଳୟରେ ୧୫୦ ଗୋଟି ନୂଆ ପଲିସି ହୋଇଥିବା ଶାଖା ପରିଚାଳକ ପ୍ରକାଶ କରିଛନ୍ତି।
