ଓଡ଼ିଆ ବାର୍ତ୍ତା/ ଦେଓଗାଁ: ବୃକ୍ଷରୋପଣର ମହତ୍ବ ସମ୍ବନ୍ଧରେ ଛାତ୍ରଛାତ୍ରୀ ମାନଙ୍କୁ ଅବଗତ କରାଇବାସହ ଏକ ସୁସ୍ଥ ସୁନ୍ଦର ପରିବେଶ ଗଠନର ଲକ୍ଷ୍ୟ ନେଇ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ମକୁନ୍ଦପୁର ଗ୍ରାମପଞ୍ଚାୟତ ଅନ୍ତର୍ଗତ ସୁଲିଆ କନ୍ଧ ବିଦ୍ୟାପୀଠ ପୁରୁନାପାନି ଠାରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ କଲାକୁମର ସାହୁଙ୍କ ତତ୍ବାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ବିଦ୍ୟାପୀଠର ସମସ୍ତ ଛାତ୍ରଛାତ୍ରୀ ଗଛ ଲଗେଇ ଯତ୍ନ ନେବା ପାଇଁ ପ୍ରତିଶ୍ରୁତିବଦ୍ଧ ହୋଇଥିଲେ। ସଂସ୍କୃତ ଶିକ୍ଷକ ରାଜେଶ ପଟେଲ ସବୁ ବର୍ଷ ଏଭଳି ଭାବରେ ବୃକ୍ଷ ଲଗେଇବା ପାଇଁ ସମସ୍ତ ଛାତ୍ର ଛାତ୍ରୀଙ୍କୁ ଆହ୍ବାନ କରିଥିଲେ। ଜ୍ୟୋତିପ୍ରକାଶ ବେହେରା ଓ ପୃଥି ବାଗ ସହଯୋଗ କରିଥିଲେ। ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ଶିକ୍ଷକ ହରେଶ ବଗର୍ତ୍ତି।
