ଓଡ଼ିଆ ବାର୍ତ୍ତା/ କନ୍ଧମାଳ (ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ସ୍ଥିତ ଆଦିବାସୀ ମହାବିଦ୍ୟାଳୟ ନିଯୁକ୍ତି ପରାମର୍ଶ କକ୍ଷ ପକ୍ଷରୁ ଏକ ନୈତିକ ଶିକ୍ଷା ଓ ନିଯୁକ୍ତି ସୁଯୋଗ ସମ୍ପର୍କୀୟ ଏକ ଶିବିର ଆୟୋଜିତ ହୋଇଯାଇଛି । ଏଥିରେ କନ୍ଧମାଳ ଜିଲ୍ଲା ଲାଇନପଡାର ଯୁବ ମହାକାଶ ବୈଜ୍ଞାନିକ ଅଭିମନ୍ୟୁ ମଲ୍ଲିକ ପାୱାର ପଏଣ୍ଟ ମାଧ୍ୟମରେ ନିଜର ଉଦବୋଧନ ଦେଇ ଛାତ୍ରଛାତ୍ରୀଙ୍କ ସନ୍ଦେହ ମୋଚନ କରିଥିଲେ । ଅଧକ୍ଷ କାର୍ତ୍ତିକ ଚନ୍ଦ୍ର ସୀଙ୍କ ସଭାପତିତ୍ୱରେ ଆୟୋଜିତ ସଭାରେ ରାଜନୀତି ବିଜ୍ଞାନ ମୁଖ୍ୟ ଅଧ୍ୟାପକ ଡ଼କ୍ଟର ସୁଶାନ୍ତ କୁମାର ଦାସ ସ୍ୱାଗତ ସମ୍ଭାକ୍ଷଣ ଜଣାଇଥିଲେ । ନିଯୁକ୍ତି ସେଲର ସଂଯୋଜକ ଇଂରାଜୀ ବିଭାଗ ମୁଖ୍ୟ ଅଧ୍ୟାପକ ତଥା ଆବାହକ ତେଜେଶ୍ୱର ନାୟକ ସଭାର ଆଭିମୁଖ୍ୟ ବର୍ଣ୍ଣନା କରିଥିଲେ । ବାକ ତଥା ‘ମୋ କଲେଜ ଅଭିଯାନ’ର ସଂଯୋଜକ ଓଡ଼ିଆ ବିଭାଗ ମୁଖ୍ୟ ଅଧ୍ୟାପକ ଡ଼ଃ ବିଭୁତି ଭୂଷଣ ଆଚାର୍ଯ୍ୟ ଆନ୍ତଃ ଶୃଙ୍ଖଳା ପାଠଚକ୍ର ଆୟୋଜନ ଉପରେ ଗୁରୁତ୍ୱ ଆରୋପ କରିଥିଲେ । ଆନ୍ତଃ ନିଶ୍ଚିତ ଗୁଣବତ୍ତା ପ୍ରଦାନକାରୀ କଥ୍ୟର ସଂଯୋଜକ ବାଣିଜ୍ୟ ବିଭାଗ ମୁଖ୍ୟ ଅଧ୍ୟାପକ ସରୋଜ କୁମାର ପାଠୀ ନିଯୁକ୍ତି ସମ୍ପର୍କୀୟ ପରାମର୍ଶ କର୍ମଶାଳା ସମ୍ପର୍କରେ ବିଷାଦ ତଥ୍ୟ ପ୍ରଦାନ କରିଥିଲେ । ଭାରତୀୟ ଜୀବନ ଵୀମାର ଫୁଲବାଣୀ ଉନ୍ନୟନ ଅଧିକାରୀ ଦୁର୍ଯ୍ୟୋଧନ ନାୟକ, ଜୟପୁର ଦୁର୍ନୀତି ବିବରଣୀ ବିଭାଗ ଅତିରିକ୍ତ ଆରକ୍ଷୀ ଅଧିକାରୀ ଅନନ୍ତ କୁମାର ମଲ୍ଲିକ, ବାଲିଗୁଡା ବ୍ଲକ ଶିକ୍ଷା ଅଧିକାରୀ ମହେଶ୍ୱର ମାଝୀ ନିଜ ନିଜ ବକ୍ତବ୍ୟରେ କର୍ମାଭିମୁଖୀ ଶିକ୍ଷାକୁ ଗୁରୁତ୍ୱ ଆରୋପ କରିଥିଲେ । ପ୍ରାଣୀବିଜ୍ଞାନ ବିଭାଗ ଅଧ୍ୟାପକ ହିମାଂଶୁ ଚରଣ ସାହୁ ଧନ୍ୟବାଦ ଅର୍ପଣ କରିଥିଲେ । ଛାତ୍ରୀ ଶ୍ରୁତିସୁଦ୍ଧା ସାହୁ ନିଜ ଅନୁଭୂତି ବଖାଣିଥିଲେ । ମହାବିଦ୍ୟାଳୟର ଛାତ୍ରଛାତ୍ରୀ ଅଧ୍ୟାପକ ଅଧ୍ୟାପିକା ଏଥିରେ ପ୍ରଥମରୁ ସଭା ଶେଷ ପର୍ଯ୍ୟନ୍ତ ଅଂଶ ଗ୍ରହଣ କରି କାର୍ଯ୍ୟକ୍ରମକୁ ଉପଭୋଗ କରିଥିଲେ ।
