ଓଡ଼ିଆ ବାର୍ତ୍ତା/ ଭୁବନେଶ୍ୱର (ନିଲେଶ କୁମାର ନାଗ): ରାଜଧାନୀ ଭୁବନେଶ୍ଵର ସ୍ଥିତ ରାଜଭବନ ଠାରେ ଓଡିଶାର ମହାମହିମ ରାଜ୍ୟପାଳ ପ୍ରଫେସର ଗଣେଶୀଲାଲଙ୍କ ହାତରେ ସାହିତ୍ୟିକ କବି ବନ୍ଧୁ ପରିବାରର ମୁଖପତ୍ର ‘ଶିଖା’ ନବ ଚେତନାର ନବ ଦିଗନ୍ତ ଲୋକାର୍ପିତ ହୋଇଯାଇଛି । ଏହି ଅବସରରେ ସାହିତ୍ୟିକ କବି ବନ୍ଧୁ ପରିବାରର ସଭାପତି ଦେବେନ୍ଦ୍ର କୁମାର ନାଏକ, ସମ୍ପାଦିକା ପ୍ରଣତି ମହାପାତ୍ର, ଯୁବ ସମ୍ପାଦକ ହୃଦୟ ରଞ୍ଜନ ପରିଡା, ଯୁବକବି ଶ୍ରୀମାନ ଅଂଶୁମାନଙ୍କ ସମେତ ରାଜପାଳଙ୍କ ଲୋକ ସଂପର୍କ ଅଧିକାରୀ କବି ଡ଼ଃ ରକ୍ଷକ ନାୟକଙ୍କ ଉପସ୍ଥିତ ଥିଲେ । ଅନୁଷ୍ଠାନର ସମ୍ପାଦିକା ପ୍ରଣତି ମହାପାତ୍ରଙ୍କ ଆଞ୍ଜୁଳାଏ ଫୁଲ, ଗୀତରେ ଗୀତରେ ଆମେ ନାଚିବା କବିତା ପୁସ୍ତକ ଦୁଇଟି ମଧ୍ୟ ମହାମହିମ ରାଜ୍ୟପାଳଙ୍କ ଦ୍ବାରା ଲୋକାର୍ପଣ ହୋଇଥିଲା । ଯୁବ ସମ୍ପାଦକ ହୃଦୟ ରଞ୍ଜନ ପରିଡ଼ା ନିଜସ୍ଵ ରଚିତ କବିତା “ସିଏ ମୋ ଓଡିଶା” ଓଡ଼ିଶାର ଗାଥାର ଫଟୋଚିତ୍ର ମଧ୍ୟ ଅର୍ପଣ କରିଥିଲେ ।
