ଓଡ଼ିଆ ବାର୍ତ୍ତା/ କଳାହାଣ୍ଡି: ପ୍ରକୃତିର ଅପରୂପ ଶୋଭା ସମ୍ଭାରରେ ଭରପୁର ସୁନାମୁଖି ଶାନ୍ତିବନ ମହଗାଁର ଶାନ୍ତ ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି କେସିଙ୍ଗା ବ୍ଲକ ଦେଓଗାଁ ଗ୍ରାମପଞ୍ଚାୟତ ଆଦିବାସୀ ସଂଘର ନୂତନ କର୍ମକର୍ତ୍ତା ମନୋନୟନ । କେସିଙ୍ଗା ବ୍ଳକ ଆାଦିବାସୀ ସଂଘ ସଭାପତି ଶେଷଦେବ ମାଝୀଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଦେଓଗାଁ ଗ୍ରାମପଞ୍ଚାୟତ ଅନ୍ତର୍ଗତ ମାଠିଆ, ଜାମଯୋର, ଦେଓଗାଁ ଓ ମହଗାଁର ଆଦିବାସୀ ମହିଳା ଓ ପୁରୁଷମାନେ ବହୁ ସଂଖ୍ୟାରେ ସାମିଲ ହୋଇଥିଲେ । ଏହି ଅବସରରେ ଦେଓଗାଁ ଗ୍ରାମପଞ୍ଚାୟତ ଆଦିବାସୀ ସଂଘର ନୂତନ କର୍ମକର୍ତ୍ତା ଚୟନ କରାଯାଇଥିଲା । ସର୍ବସମ୍ମତି କ୍ରମେ ଦେଓଗାଁ ଗ୍ରାମପଞ୍ଚାୟତର ସଭାପତି ଭାବେ ରମେଶ ଶବର, ସାଧାରଣ ସମ୍ପାଦକ ଭାବେ ହିରଣ୍ୟ ଶବର, ସହ ସମ୍ପାଦକ ଭାବେ ରାଜ କୁମାର ଶବର ପ୍ରମୁଖ ମନୋନୀତ ହୋଇଛନ୍ତି । ଏହାସହ କୋଷାଧକ୍ଷ ଓ ପନ୍ଦର ଜଣ ସଭ୍ୟ ସଭ୍ୟା ମଧ୍ୟ ଚୟନ ହୋଇଥିଲେ । ସୁନାମୁଖି ଶାନ୍ତିବନକୁ ପୁଣ୍ଯ ପିଠ ଭାବେ ଉଦଘୋଷଣ କରି ଜୟକାର କରିଥିଲେ ଆଦିବାସୀ ସଂଘ ଓ ଉପସ୍ଥିତ ସାମାଜିକ ବ୍ୟକ୍ତିବିଶେଷ । ଏହାସହ ମହଗାଁ ସ୍ଥିତ ଏହି ସୁନାମୁଖି ଶାନ୍ତିବନର ସୌନ୍ଦର୍ଯ୍ୟକରଣ ସହ ପର୍ଯ୍ୟଟନ ସ୍ଥଳୀର ମାନ୍ୟତା ପ୍ରଦାନ ନେଇ ମଧ୍ୟ ମତପ୍ରକାଶ ପାଇଥିବା ଜଣାପଡିଛି । ତେବେ ସଫଳତାର ସହ ଏହି ବୈଠକ ସମାପନ ହୋଇଥିବାରୁ ସଭାପତି ସମସ୍ତଙ୍କୁ ଧନ୍ୟବାଦ ଜଣାଇ ସଭା ସାଙ୍ଗ କରିଥିଲେ ।
