ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ବ୍ରଜବିହାର ଠାରେ ସାମୁହିକ ରକ୍ଷା ବନ୍ଧନ ସହ ଗଙ୍ଗାଧର ମେହେର ଜୟନ୍ତି ଏବଂ ବିଶ୍ୱ ସଂସ୍କୃତ ଦିବସ ପାଳିତ ହୋଇଯାଇଛି। କାର୍ଯ୍ୟକ୍ରମରେ ମଂଚାସୀନ ଥିଲେ ମୁଖ୍ୟ ଅତିଥି ବ୍ୟବସାୟୀ ଏବଂ ସମାଜସେବୀ ଶ୍ରୀ ପୁରୁଷୋତ୍ତମ ଅଗ୍ରୱାଲ। ଗୁରୁ ଶ୍ରୀ ଜୟରାମ ସାହୁଙ୍କ ସହାୟତାରେ ଶିଶୁ ଭାଇ ଭଉଣୀ ସ୍ୱାଗତ ସଂଗୀତ ଗାୟନ କରିଥିଲେ। ପ୍ରାଧନାଚାର୍ଯ୍ୟ ଶ୍ରୀ ମନୋଜ କୁମାର ମୁଣ୍ଡଙ୍କ ତତ୍ୱାବଧାନରେ କାର୍ଯ୍ୟକ୍ରମ ପରିଚାଳିତ ହୋଇଥିଲା। ଅତିଥିଙ୍କ ପରିଚୟ ପ୍ରଦାନ କରିଥିଲେ ଶ୍ରୀମତୀ ଅନିତା ପଣ୍ଡା ଏବଂ ଶ୍ରୀମତୀ ରଶ୍ମିତା ପଣ୍ଡା। ଶ୍ରୀ ନରୋତ୍ତମ ସ୍ୱାଇଁ ଦିବସର ମହତ୍ତ୍ୱ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ। ମଞ୍ଚ ପରିଚାଳନାର ଦାୟିତ୍ୱ ନିଭାଇ ଥିଲେ ଶ୍ରୀମତୀ ସନ୍ତୋଷିନୀ ଆଚାରୀ ଓ ସପ୍ତମ ଶ୍ରେଣୀର ଛାତ୍ରୀ ଅର୍ପିତା ଧଙ୍ଗଡ଼ାମାଝି। ଭାଇଭଉଣୀଙ୍କ ଦ୍ୱାରା ରକ୍ଷା ବନ୍ଧନ କାର୍ଯ୍ୟକ୍ରମ ହୋଇଥିଲା ସୁନ୍ଦର ଭାବରେ। ଦାୟିତ୍ୱ ନେଇଥିଲେ ସୁନିତା ରାଉଳ, ଜ୍ୟୋତି ସାମଲ, ଜ୍ୟୋତି ମହାପାତ୍ରଓ ସୁକାନ୍ତି ଗଉଡ଼। ଅନ୍ଧ, ମୁକବଧିର ବିଦ୍ୟାଳୟକୁ ପ୍ରତିବର୍ଷ ଭଳି ଏଥର ମଧ୍ୟ ଷଷ୍ଠ ଶ୍ରେଣୀର ଭାଇଙ୍କ ସହ ଶିବ ଗୁରୁଜୀ ଏବଂ ଗୋଦାବରୀଶ ଗୁରୁଜୀଙ୍କ ଦ୍ୱାରା ରକ୍ଷାବନ୍ଧନ ପର୍ବ ସେଇଠି ହୋଇଥିଲା ଏବଂ ନୁଆଁ ଗାଁ ଓ ଆଖ ପାଖ ଅଞ୍ଚଳକୁ ଯାଇ ସୁଶାନ୍ତ ବାରିକ, ଉଦ୍ଧବ ଗୁରୁଜୀ ଏବଂ ଲମ୍ବୋଦର ଗୁରୁଜୀ ସମ୍ପର୍କର ସେତୁ ବାନ୍ଧିବା ଉଦ୍ଦେଶ୍ୟରେ ଗାଈ ବଳଦଙ୍କୁ ରାକ୍ଷୀ ବାନ୍ଧିଥିଲେ। ଏଥିରେ ସହଯୋଗ କରିଥିଲେ ବରିଷ୍ଠ ସେବକ ପରମାନନ୍ଦ ଜାନି। ଶିଶୁଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ ବନଶ୍ରୀ ଦାଶ, ସୁନିତା ନାୟକ, ମନୋଜ ନାୟକ ଏବଂ ବିଶ୍ୱ ରଞ୍ଜନ ଦାଶ। ଚିତ୍ରଉତ୍ତୋଳନ କରିଥିଲେ ଲୀଳାମୟ ଗୁରୁଜୀ।ପରିଶେଷରେ ଧନ୍ୟବାଦ ଅର୍ପଣ କରିଥିଲେ ବରିଷ୍ଠ ଗୁରୁଜୀ ଶ୍ରୀ କିଶୋର ନାଗ। ସମସ୍ତ ଗୁରଜୀ ଗୁରୁମାଙ୍କ ପୂର୍ଣ୍ଣ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା।
