ଓଡ଼ିଆ ବାର୍ତ୍ତା/ ରାୟଗଡ଼ା (ପଦ୍ମନ ଭତ୍ରା): ଆଜି ରାୟଗଡ଼ା କୃଷି ଜିଲ୍ଲା ପ୍ରଶାସନ ଦ୍ୱାରା ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ଆୟୋଜିତ ସିଧା ପ୍ରସାରଣ କାର୍ଯ୍ୟକ୍ରମ ମାଧ୍ୟମରେ ମାନ୍ୟବର ଓଡିଶା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝିଙ୍କ ଚଳିତ ରବି ୨୦୨୫-୨୬ ଆର୍ଥିକ ବର୍ଷରେ ଚାଷୀମାନଙ୍କ ଜମା ଖାତାକୁ ସି ଏମ୍ କିଷାନ ସହାୟତା ରାଶି ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି | ରାୟଗଡ଼ା ଜିଲ୍ଲାପାଳ ଆଶୁତୋଷ କୁଲକର୍ଣ୍ଣି ଙ୍କ ଅଧକ୍ଷତା ରେ ମୁଖ୍ୟ ଅତିଥି ଭାବେ ରାୟଗଡ଼ା ନିର୍ବାଚନ ମଣ୍ଡଳୀ ବିଧାୟକ ଶ୍ରୀଯୁକ୍ତ ଆପୁଲ ସ୍ୱାମୀ କାଡ୍ରାକା ଯୋଗ ଦେଇଥିଲେ | ସମ୍ମାନିତ ଅତିଥି ଭାବେ ଏସ୍ କେ ଏହେସାନ ଜିଲ୍ଲା ମୁଖ୍ୟ କୃଷି ଅଧିକାରୀ,ଡକ୍ଟର ସୁସ୍ମିତା ମହାନ୍ତି ବରିଷ୍ଠ କୃଷି ବୈଜ୍ଞାନିକ ତଥା କୃଷି ବିଜ୍ଞାନ କେନ୍ଦ୍ର ରାୟଗଡ଼ା ମୁଖ୍ୟ,ଦିବ୍ୟ ସ୍ୱରୂପ ପଣ୍ଡା କୃଷି ଜିଲ୍ଲା ଅଧିକାରୀ ଗୁଣୁପୁର,ପ୍ରକାଶ ଚନ୍ଦ୍ର ବେହେରା କୃଷି ଜିଲ୍ଲା ଅଧିକାରୀ ମୁନିଗୁଡ଼ା,ବିଭିନ୍ନ ଅଧିକାରୀ ଙ୍କ ଗହଣରେ ପ୍ରାୟ ୧୫୦ ରୁ ଉର୍ଦ୍ଧ ଚାଷୀ ଉପସ୍ଥିତ ରହିଥିଲେ | କାର୍ଯ୍ୟକ୍ରମ ଟି ମୁଖ୍ୟତ ପଶ୍ଚିମ ଓଡ଼ିଶା ର ଗଣ ପର୍ବ ନୂଆଖାଇ କୁ ଦୃଷ୍ଟିରେ ରଖି ଆଜି ଗଣେଶ ପୂଜା ହେତୁ ମୁଖ୍ୟମନ୍ତ୍ରୀ ଆୟୋଜିତ କରିବାକୁ ନିର୍ଦେଶ ଦେଇଥିଲେ | ଏଥି ଯୋଗୁଁ ଓଡ଼ିଶାର ୫୧ ଲକ୍ଷ୍ୟରୁ ଉର୍ଦ୍ଧ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀଙ୍କ ଉପକୃତ ନିମନ୍ତେ ପ୍ରତ୍ୟେକ ଙ୍କୁ ୨୦୦୦ ହିସାବରେ ନିଜ ନିଜର ଜମା ଖାତାରେ ପ୍ରଦାନ କରାଯିବ| ଏହି ପରିପେକ୍ଷୀରେ ରାୟଗଡ଼ା ଜିଲ୍ଲା ରୁ ୮୬୮୯୩ ଚାଷୀ ଉପକୃତ ହୋଇପାରିବେ | କାର୍ଯ୍ୟକ୍ରମ କୁ ସୁଚାରୁ ରୂପ ଦେବା ନିମନ୍ତେ ସହକାରୀ କୃଷି ଓ ବୈଷୟିକ ପରିଚାଳକ ମୁନିଗୁଡ଼ା ଶ୍ରୀ ଉତ୍ତମ କୁମାର ଦାସ ପରିଚାଳନା କରିଥିଲେ |
