ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଲକ ବିଡ଼ିଓଙ୍କ କାର୍ଯ୍ୟାଳୟରେ ଭୀମ ଭୋଇ ସାମର୍ଥ୍ୟ ଶିବିର ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଲାଞ୍ଜିଗଡ଼ ବିଡ଼ିଓ ଶଶାଙ୍କ ପାତ୍ରଙ୍କ ତତ୍ବାବଧାନରେ ଅନୁଷ୍ଠିତ ପ୍ରସ୍ତୁତି ବୈଠକରେ ବ୍ଲକ ସାମାଜିକ ସୁରକ୍ଷା ଅଧିକାରୀ ଅରବିନ୍ଦ ମହାପାତ୍ର, ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସୁଢ଼ଳଦେବ ମୁଣ୍ଡ, ସିଡିପିଓ ନିରୁପମା ପଟ୍ଟନାୟକ, ବିଶ୍ଵନାଥପୁର ଗୋପବନ୍ଧୁ ସରକାରୀ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ସୁଜାତା ମଲ୍ଲିକ, ପିଏଚ୍ଇଓ ଦିବାକର ପ୍ରଧାନ, ସିଆରସିସି ବିଜୟ କୁମାର ରାଏ ପ୍ରମୁଖ ଯୋଗଦେଇ ଆଲୋଚନା କରିଥିଲେ। ଏହି ଭୀମଭୋଇ ସାମର୍ଥ୍ୟ ଶିବିର ଆସନ୍ତା ସେପ୍ଟେମ୍ବର ୯ ତାରିଖରେ ଅନୁଷ୍ଠିତ ହେବାକୁ ଥିବା ବେଳେ ଯେଉଁ ମାନଙ୍କର ଭିନ୍ନକ୍ଷମ ସାର୍ଟିଫିକେଟ ନାହିଁ କିମ୍ବା ହସ୍ତ ଲିଖିତ ପୁରୁଣା ସାର୍ଟିଫିକେଟ ଅଛି ସେମାନେ ଏହି ଶିବିର ଦିନରେ ନିଜର ଆଧାରକାର୍ଡ, ପାସପୋର୍ଟ ଫଟୋ, ଆଧାରରେ ସଂଯୋଗ ହୋଇଥିବା ମୋବାଇଲ ନମ୍ବର ଆଣିବାକୁ ହେବ ଓ ଯେଉଁମାନେ ପୂର୍ବରୁ ଅନଲାଇନ୍ ଆବେଦନ କରିଛନ୍ତି ସେହିଦିନ ଯୋଗଦେଇ ଡାକ୍ତର ମାନଙ୍କ ଦ୍ଵାରା ନିର୍ବିଘ୍ନ ପ୍ରକ୍ରିୟାରେ ସମ୍ଭବ ହେବ ବୋଲି ଆଲୋଚନା ହୋଇଥିଲା।
