କଳାହାଣ୍ଡି,୨୫/୫: କର୍ଲାମୁଣ୍ଡା ବ୍ଲକ ରିଷିଡା ଠାରେ ପ୍ରାଥମିକ କୃଷି ସମବାୟ ସମିତି ପକ୍ଷରୁ ରବି ଧାନ ମଣ୍ଡି ଆଜି ଉଦଘାଟିତ ହୋଇଯାଇଛି । ଏହି ଅବସରରେ ଆୟୋଜିତ ଉଦଘାଟନ ଉତ୍ସବରେ ତେରେସିଙ୍ଗା ସରପଞ୍ଚ ହନୁମାନ ଦାସ, ରିଷିଡା ରାଜସ୍ବ ନିରିକ୍ଷକ ସସ୍ମିତା ରଣା ଓ ଗ୍ରାମ୍ୟ କୃଷି କର୍ମଚାରୀ ପିତାମ୍ବର ମାଝୀ ଯୋଗଦେଇ ମଣ୍ଡିର ଶୁଭ ଉଦଘାଟନ କରିଥିଲେ । ସମିତି ମୁଖ୍ୟ କାର୍ଯ୍ୟନିର୍ବାହୀ ଗୋଲାପ ଚନ୍ଦ୍ର ରଣା କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଡିଇଓ ଡାଳଟନ ରଣା, ଶୋଭାକର ରଣା, ସତ୍ୟବାନ ସୁନା, ବାସୁଦେବ ରଣା ସହଯୋଗ କରିଥିଲେ ।
ଅନ୍ୟ ମାନଙ୍କ ମଧ୍ୟରେ ପୂର୍ବତନ ସରପଞ୍ଚ ଯୁଗଳ କିଶୋର ରଣା, କୃଷକ ମଞ୍ଚ ସହ ସମ୍ପାଦକ ମଧୁସୂଦନ ବାଗ, ମିଲର୍ସ ଏଜେଣ୍ଟ ନରେଶ ଦାସ, ଦୀନେଶ ଅଗ୍ରୱାଲ, ମନୋଜ ଜୈନ, ଆରଏମସି ର ବନମାଳୀ ସୁନା ପ୍ରମୁଖ ଉପସ୍ଥିତ ଥିଲେ । ପ୍ରକାଶ ଥାଉକି ରିଷିଡା ସମିତିରେ ଚଳିତ ବର୍ଷ ପ୍ରଥମ ଥର ରବି ଧାନମଣ୍ଡି ହୋଇଥିଲେ ମଧ୍ୟ ୧୨୨ ଜଣ ଚାଷୀ ନାମ ପଞ୍ଜିକରଣ କରିଛନ୍ତି । ଏଠାରୁ ଧାନ କିଣିବା ପାଇଁ ଗଜବାହାଲର ଲଷ୍ମୀନାରାୟଣୀ ମିଲ୍ ଓ ନୁନମାଠ ର ଡିକେ ରାଇସ ମିଲ୍ କୁ ଦାଇତ୍ୱ ଦିଆଯାଇଛି । ଅନ୍ୟପକ୍ଷରେ କର୍ଲାମୁଣ୍ଡା ଓ ଜୋରାଡବରା ଠାରେ ମଧ୍ୟ ମଣ୍ଡି ଉଦଘାଟନ ହୋଇ ଧାନ କିଣା ଆରମ୍ଭ ହୋଇସାରିଛି ।
କଳାହାଣ୍ଡିରୁ ନରୋତ୍ତମ ସେଲମାଙ୍କ ରିପୋର୍ଟ OdiaBarta.in
Click here to get 24×7 News & Views alerts
http://bit.ly/OBgroup4
Like us on Facebook
https://facebook.com/odiabarta
