ଓଡ଼ିଆ ବାର୍ତ୍ତା/ କଟକ: ୪୨ମୌଜା ଥାନାର ଆଇଆଇସି ଅନିତା ସାହୁଙ୍କର ସମ୍ପ୍ରତି କମିଶନରେଟ୍ ପୋଲିସ ସିଡିଏ ଫେଜ୍-୨ ଥାନାକୁ ସ୍ତାନାନ୍ତରଣ ହୋଇଛି। ଏହି ଅବସରରେ କଟକ ସଦରର ଅଗ୍ରଣୀ ସାମାଜିକ ଅନୁଷ୍ଠାନ ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ତରଫରୁ ଏକ ବିଦାୟକାଳୀନ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରତିଷ୍ଠାନର ସଭାପତି ଇ°. ଅଶୋକ କୁମାର ବିଶ୍ଵାଳ, ସମ୍ପାଦକ ନାରାୟଣ ଚନ୍ଦ୍ର ମହାନ୍ତି, ସମିତି ସଭ୍ୟ ବିନୋଦ ବେହେରା, ଭାସ୍କର ଦାସ, ହୃଦାନନ୍ଦ ବିଶ୍ଵାଳ, ବାଉରୀବଂଧୁ ସ୍ବାଇଁ, ଘନଶ୍ୟାମ ମଲ୍ଲିକ, ସରୋଜ ବେହେରା (ଖଣ୍ଡେଇତା), ସନ୍ତୋଷ ବାରିକ (ଧାନଘରପଡା) ପ୍ରମୁଖ ଉପସ୍ଥିତ ବିଦାୟୀ ଥାନାଧିକାରୀଣୀ ଅନିତା ସାହୁଙ୍କୁ ପୁଷ୍ପ ଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିବା ସହିତ ତାଙ୍କର ଉତ୍ତୋରତ୍ତର ଉନ୍ନତି କାମନା କରିଥିଲେ। ଶେଷରେ ୪୨ମୌଜା ଯାଦବ ମହାସଭା ସଭାପତି ବୁଲେଇ ବେହେରା ଧନ୍ୟବାଦ ଅର୍ପଣ କରିଥିଲେ।
