ଓ୍ବାଟର ଆପଲ ବା ଜାମୁ ରୋଳ ଏକ ଟ୍ରପିକାଲ ଫଳ । ଯାହା ପ୍ରାୟତଃ ଦକ୍ଷିଣ ପୂର୍ବ ଏସିଆରେ ଦେଖାଯାଏ । କେରଳ ଏବଂ ଆନ୍ଧ୍ରପ୍ରଦେଶରେ ଏହି ଫଳ ଦେଖିବାକୁ ମିଳିଥାଏ । ଆସନ୍ତୁ ଜାଣିବା ଜାମୁ ରୋଳ କାହିଁକି ଲାଭଦାୟକ ଅଟେ । ଗ୍ରୀଷ୍ମ ଋତୁରେ ଆମ ଶରୀରରେ ଜଳର ଅଭାବ ଦେଖାଯାଏ । ଡିହାଇଡ୍ରେସନ ହୁଏ । ଏହି ସମସ୍ୟାକୁ ଏଡାଇବା ପାଇଁ ଆପଣମାନେ ଜାମୁ ରୋଳ ଖାଇପାରିବେ । ଏହା ଶରୀରକୁ ହାଇଡ୍ରେଟ୍ ରଖିବାରେ ସାହାଯ୍ୟ କରିଥାଏ । ଏବଂ ଡିହାଇଡ୍ରେସନ୍ କୁ ରୋକିଥାଏ | ଜାମୁ ରୋଳ ଗାଲିକ୍ ଏସିଡ୍, ଟେନିନ୍ ପରି ଶକ୍ତିଶାଳୀ ଆଣ୍ଟି ଅକ୍ସିଡାଣ୍ଟରେ ଭରପୂର ଅଟେ । ଏହା ଶରୀରକୁ ମୁକ୍ତ ରେଡିକାଲ୍ ଦ୍ୱାରା ହୋଇଥିବା କ୍ଷତିରୁ ରକ୍ଷା କରିଥାଏ | ଜାମୁ ରୋଳ ଖାଇବା ଦ୍ୱାରା ଆପଣ ଆପଣଙ୍କର ବର୍ଦ୍ଧିତ ଓଜନ ମଧ୍ୟ ହ୍ରାସ କରିପାରିବେ | ଏଥିରେ ପ୍ରଚୁର ପରିମାଣରେ ଫାଇବର ରହିଥାଏ । ଯାହା ପେଟକୁ ଦୀର୍ଘ ସମୟ ପର୍ଯ୍ୟନ୍ତ ପୁରା ରଖିବା ପାଇଁ କାମ କରିଥାଏ । ଯାହାଫଳରେ ଶୀଘ୍ର ଭୋକ ହୁଏନାହିଁ । ଏହା ସହିତ, ଏହା ଖାଇବା ଦ୍ବାରା ଆପଣ ମାନଙ୍କୁ କୌଣସି ଅସ୍ବାସ୍ଥ୍ୟକର ଖାଦ୍ୟ ବାରମ୍ବାର ଖାଇବାକୁ ଇଚ୍ଛା ହେବନାହିଁ । ମଧୁମେହ ରୋଗୀଙ୍କ ପାଇଁ ଏହି ପାଣି ଆପଲ୍ ବେଶ୍ ଲାଭଦାୟକ | କାରଣ ଏହାର ଶକ୍ତିଶାଳୀ ଆଣ୍ଟି ହାଇପର୍ଗ୍ଲାଇସେମିକ୍ ଗୁଣ ଅଛି । ଏହାକୁ ଖାଇବା ଦ୍ୱାରା ରକ୍ତରେ ଶର୍କରା ସ୍ତର ହ୍ରାସ ହୋଇପାରେ | ପାଣି ଆପଲ୍ ଖାଇବା ଦ୍ୱାରା ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହିଥାଏ | ଜାମୁ ରୋଳ ପୋଟାସିୟମ୍ ଭରପୂର ପରିମାଣରେ ରହିଥାଏ । ଏହା ହାର୍ଟକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଏବଂ ଉଚ୍ଚ ରକ୍ତଚାପର ସମସ୍ୟା ମଧ୍ୟ ଦୂର ହୁଏ ।
