ଓଡ଼ିଆ ବାର୍ତ୍ତା/ କନ୍ଧମାଳ (ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ୍ ଅନ୍ତର୍ଗତ କୁର୍ତ୍ତମ ଗଡ ଠାରେ ଥିବା ସାବିତ୍ରୀ ବାଇ ଫୁଲେ ମହାବିଦ୍ୟାଳୟର ସ୍ବାଗତ ଉତ୍ସବ ମହା ସମାରୋହରେ ପାଳିତ ହେଇଯାଇଛି। ଏହି ମହାବିଦ୍ୟାଳୟର ପ୍ରତିଷ୍ଠାତା ଶିକ୍ଷାବିତ ମନୋଜ କୁମାର ମଲ୍ଲିକଙ୍କ ସଭାପତିତ୍ବରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ବିଶେଷଣ ମାଝୀ ଯୋଗ ଦେଇ ଥିବାବେଳେ ମୁଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ ହେମନ୍ତ ସାହୁ, ସମ୍ମାନୀତ ଅତିଥି ଭାବେ ଉର୍ଲାଦାନୀ (ରଙ୍ଗାପଦର) ରେଣ୍ଡୋ ମାଝୀ ମହାବିଦ୍ୟାଳୟର ସଭାପତି ଧନ ସିଂହ ମାଝୀ, ସମାଜସେବୀ ସିପ୍ରୀୟାନ ମାଝୀ, ରେଣ୍ଡୋ ମାଝୀ ମହାବିଦ୍ୟାଳୟ ଉପ ଅଧକ୍ଷା ପଦ୍ମିନୀ ଧରୁଆ, ସାବିତ୍ରୀ ବାଇ ଫୁଲେ ଉଚ୍ଚ ମହା ବିଦ୍ୟାଳୟର ଅଧ୍ୟକ୍ଷ ପ୍ରବାସ କୁମାର ମଲ୍ଲିକ, ଅଧ୍ୟାପକ ତଥା ବାଲି ଗୁଡା, ତୁମୁଡ଼ି ବନ୍ଧ, କୋଟଗଡ ବ୍ଲକ୍ ର ସଂଯୋଜକ ହେମନ୍ତ କୁମାର ଭୋଇ ମାଞ୍ଚାଷୀନ ରହିଥିବା ବେଳେ ଦାଶରଥି ଦିଗାଲ ମଞ୍ଚ ପରିଚାଳନା କରିଥିଲେ । ମହାବିଦ୍ୟାଳୟର ଛାତ୍ରୀ ମାନେ ସ୍ବାଗତ ସଙ୍ଗୀତ ପରିବେଷଣ କରିଥିଲେ । ଅତିଥି ମାନେ ଛାତ୍ର ଛାତ୍ରୀ ମାନଙ୍କୁ ଜୀବନରେ ଲକ୍ଷ୍ୟ ପ୍ରାପ୍ତି ପାଇଁ ଏକ ନିଷ୍ଠ ସାଧନା କରିବାକୁ ପରାମର୍ଶ ଦେଇଥିଲେ । ସଭା ପରେ ମହା ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇ ଥିଲା । ସମସ୍ତ କାର୍ଯ୍ୟକ୍ରମ ପରିଚାଳନାରେ ସାବିତ୍ରୀ ବାଇ ଫୁଲେ ଉଚ୍ଚ ମହା ବିଦ୍ୟାଳୟର ଅଧ୍ୟାପକ, ଅଧ୍ୟାପିକା, କର୍ମଚାରୀମାନେ ସହଯୋଗ କରିଥିଲେ।
