ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଳକ ଅନ୍ତର୍ଗତ ଜୟ ଦୁର୍ଗା ସ୍ପୋଟିଙ୍ଗସ କ୍ଲବ ସର୍ଗିଗୁଡା ଦ୍ୱାରା ସାନ୍ଦୁଲ ସେତୁ ନିକଟରେ ଆୟୋଜିତ ହୋଇଛି।କ୍ରିକେଟ ଟୁର୍ନାମେଣ୍ଟର ସେମିଫାଇନାଲ ମ୍ୟାଚ ଆଜି ଅନୁଷ୍ଠିତ ହୋଇଥିଲା। ଏଥିରେ ପଶ୍ଚିମ ଓଡ଼ିଶା ବିକାଶ ପରିଷଦର ବିଶେଷଜ୍ଞ ସଦସ୍ୟ ଅବିନାଶ ଠାକୁର ମୁଖ୍ୟ ଅତିଥି ଭାବରେ ଯୋଗଦାନ କରି ଯୁବ ସମାଜ ପାଠ ସହିତ କ୍ରୀଡ଼ା କ୍ଷେତ୍ରରେ ମନୋ ନିବେଶ କରିବା ଉଚିତ ବୋଲି ତାଙ୍କ ବକ୍ତବ୍ୟରେ କହିବା ସହିତ ଖେଳ ପଡିଆର ଉନ୍ନତି କରଣ ଦିଗରେ କ୍ଲବ ର ସଦସ୍ୟ ମାନଙ୍କ ସହ ଆଲୋଚନା କରିଥିଲେ। କ୍ଲବର ବରିଷ୍ଠ ସଦସ୍ୟ ପୂରବ ଅଗ୍ରୱାଲ(ମଣ୍ଟୁ), ପ୍ରହଲ୍ଲାଦ ସେଠୀ, ମାନସ ସା ପ୍ରମୁଖ ତାଙ୍କୁ ଧନ୍ୟବାଦ ଅର୍ପଣ କରିଥିଲେ। ସେହିଭଳି ମଦନପୁର ରାମପୁର ବ୍ଳକ ଅନ୍ତର୍ଗତ ଅଁଏଲାପାଲି କ୍ରିକେଟ କ୍ଳବ୍ ତରଫରୁ କେନ୍ଦୁବନ୍ଧ ଠାରେ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟର ସେମିଫାଇନାଲ ମ୍ୟାଚରେ ମଧ୍ୟ ମୁଖ୍ୟ ଅତିଥି ଭାବରେ ପଶ୍ଚିମ ଓଡ଼ିଶା ବିକାଶ ପରିଷଦର ବିଶେଷଜ୍ଞ ସଦସ୍ୟ ଅବିନାଶ ଠାକୁର ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ।
