ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅଧିନସ୍ଥ ଘଣ୍ଟମାଳ ଗ୍ରାମରେ ସରପଞ୍ଚ ଦେବେନ୍ଦ୍ର ସାଙ୍କ ନେତୃତ୍ୱରେ ଶ୍ରୀରାମ ପୁଜନୋତ୍ସବ ଅନୁଷ୍ଠିତ ହୋଇଯାଇଛି । ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ନେଇ ସାରା ଦେଶରେ ଏକ ଅଭୁତପୁର୍ବ ଭକ୍ତିମୟ ପରିବେଶ ସୃଷ୍ଟି ହୋଇଥିବା ବେଳେ ଏଥିରୁ ବାଦ ପଡିନି ଘଣ୍ଟମାଲ ଗ୍ରାମ । ସରପଞ୍ଚ ଶ୍ରୀ ସାଙ୍କ ନେତୃତ୍ୱରେ ପ୍ରଭୁ ଶ୍ରୀରାମ ଚନ୍ଦ୍ରଙ୍କ ପ୍ରତିଛବି ସ୍ଥାପନା କରି ଏହାକୁ ସୁସଜ୍ଜିତ ଭାବରେ ଆସନରେ ବସାଇ ଧୂପ, ଦୀପ, ନୈବେଦ୍ୟଦେଇ ପୂଜାର୍ଚ୍ଚନା ଚାଲିଥିଲା । ଦୀର୍ଘ ସମୟର ଭଜନ ଗାନ ଓ ପୂଜାପାଠ ପରେ ମହିଳା ଓ ପୁରୁଷ ଭକ୍ତ ମାନେ ଭକ୍ତିମୟ ପରିବେଶରେ ଭାବ ବିହ୍ୱଳ ହୋଇପଡିଥିଲେ । ଘଣ୍ଟମାଳର ୱାର୍ଡ ସଭ୍ୟ କୁଞ୍ଜବିହାରୀ ସା, ତନୟା ମାଝୀ,ଚିନ୍ତ ମାଝୀ, ପ୍ରସନ୍ନ ସା, ଅରକ୍ଷିତ ନାଏକ, ମନୋଜ ସା, ଅଦନ ବିଶ୍ୱାଳ, ମହେଶ ପଧାନ, ଜଗୁଲାଲ ସା, ପଟୁଆରି ପଧାନ, ସୁବାସିନୀ ପଧାନ, ମଣ୍ଟୁ ପଧାନ, ଶଙ୍କର ସେଠୀ, ଧର୍ମେନ୍ଦ୍ର ଡାକୁଆ, ଭୀଷ୍ମ ନାଏକ, ଦୀପାଞ୍ଜଳୀ ସା, ମଞ୍ଜୁଳା କରୁଆଁଙ୍କ ସମେତ ଶତାଧିକ ଭକ୍ତ ଏହି ପୂଜନୋତ୍ସବରେ ସାମିଲ ହୋଇ କାର୍ଯ୍ୟକ୍ରମ ପରିଚାଲନା କରିଥିଲେ । ମଧ୍ୟାହ୍ନରେ ସାମୁହିକ ଅନ୍ନ ପ୍ରସାଦ ସେବନର ମଧ୍ୟ ବ୍ୟବସ୍ଥା ହୋଇଥିଲା ।
