ବଲାଙ୍ଗୀର ସାନବି ଟିମ ୧୭ ରନରେ ବିଜୟୀ
ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ସ୍ଥିତ ରମେଶ ସିଂ ଭୋଇ ଷ୍ଟାଡିୟମ ପରିସରରେ 4 ତମ ଶ୍ରୀକାନ୍ତ ଭୋଇ କ୍ରିକେଟ ମେମୋରିଆଲ ଟୁର୍ନାମେଣ୍ଟ ଉଦଘାଟିତ ହୋଇଯାଇଛି l ଏହାର ଉଦଘାଟନୀ ବଲାଙ୍ଗୀର ସାନବି ଓ ଟିଟିଲାଗଡ଼ କ୍ରିଷ୍ଣା ମଧ୍ୟରେ ଅନୁଷ୍ଠିତ ହୋଇଥିଲା l ପ୍ରଥମେ ଟିଟିଲାଗଡ଼ ଟିମ ଟସ ଜିଣି ଫିଲଡିଙ୍ଗ ନିଷ୍ପତି ନେଇଥିଲେ l ଏଥିରେ ବଲାଙ୍ଗୀର ଟିମ ନିର୍ଦ୍ଧାରିତ 8 ଓଭରରେ 3 ଉଇକେଟ ହରାଇ 99 ରନ ସଂଗ୍ରହ କରିଥିଲେ l ଜବାବରେ ଟିଟିଲାଗଡ଼ ଦଳ 9 ଉଇକେଟ ହରାଇ 83 ରନ କରି ପରାଜିତ ହୋଇଥିଲେ l ଉକ୍ତ ଖେଳକୁ ବିକ୍ରମ ସା ଓ ରକି ପ୍ରଧାନ ପରିଚାଳନା କରିଥିବା ବେଳେ ସ୍କେlର ଶ୍ରୀରାମ ଅଗ୍ରୱାଲ ଓ ଆକାଶ ପାତ୍ର ଧାରା ବିବରଣୀ ପ୍ରଦାନ କରିଥିଲେ l ଏହାର ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବେ ପୂର୍ଵତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ ଯୋଗଦାନ କରି ଟୁର୍ନାମେଣ୍ଟକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ଏଥିରେ ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ଗୁଣସାଗର ମାଝୀ, ଓଜେୟୁ ଜିଲ୍ଲା ସାମ୍ବାଦିକ ସଂଘ ସଭାପତି ପ୍ରମୋଦ ସେଲମା ଓ ସମାଜସେଵୀ ଭୀମସେନ ସ୍ୱାଇଁ ପ୍ରମୁଖ ଯୋଗଦାନ କରି ଉଭୟ ଖେଳାଳୀମାନଙ୍କୁ ଉତ୍ସାହିତ କରିଥିଲେ l ଏଥିରେ କମିଟିର ସଭାପତି ଚନ୍ଦ୍ର ଚନ୍ଦନ, ସମ୍ପାଦକ ଶିବ ପ୍ରସାଦ ମାଝୀ, ଉପ ସଭାପତି ଜ୍ଞାନ ରଞ୍ଜନ ମହାକୁର, ସହ ସମ୍ପାଦକ ବିକ୍ରମ ସା, କୋଷାଧକ୍ଷ ରାଜା ଭୋଇ, ରିଙ୍କୁ ଭୋଇ, ମହେନ୍ଦ୍ର ଭୋଇ, ଉମେଶ ସାହୁ, ରଞ୍ଜନ ଭୋଇ, ଅଚ୍ୟୁତ ସେଠ, ଟିଟୁ ଦଣ୍ଡସେନା, ସୁମିତ ଦଣ୍ଡସେନା, ଭୀମ ଦଣ୍ଡସେନା, ସରୋଜ ସାହୁ, ଅମୃତ ଦଣ୍ଡସେନା, ଡ଼ବ୍ଲୁ ସାହୁ, ଆଲିସ, କ୍ଷମା , ବିକାଶ ମହାଲିଙ୍ଗ, ଦିନବନ୍ଧୁ ପୃଷେଠ, ରକି ମିଶ୍ର, ଉମେଶ ଭୋଇ, ଅମିତ ସାହୁ, ଯତୀନ ଦାସ, ପବନ ଅଗ୍ରୱାଲଙ୍କ ସମେତ କମିଟିର ସଦସ୍ୟମାନେ ଉପସ୍ଥିତ ରହି ସହଯୋଗ କରିଥିଲେ l
