ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ଗତ ୨୧ ତାରିଖରେ ବିଏଲ୍ଓ ଡ୍ୟୁଟି କରୁଥିବା ସମୟରେ ଆକସ୍ମିକ ମୃତ୍ୟୁ ଘଟିଥିବା ଡୁଡୁକାଠେଙ୍ଗା ୟୁଜିଏମ୍ଇ ସ୍କୁଲର ପ୍ରଧାନ ଶିକ୍ଷକ ମହାଦେବ ବାଗଙ୍କ ଦଶାହ କାର୍ଯ୍ୟରେ କୋକସରା ପ୍ରାଥମିକ ଶିକ୍ଷକ (ଏକ୍ସକେଡର) ସଂଘ ଯୋଗଦେଇ ପରିବାର ବର୍ଗଙ୍କୁ ଆଶ୍ବାସନା ଦେଇଛନ୍ତି। ଏବଂ ସ୍ବର୍ଗୀୟ ଶିକ୍ଷକଙ୍କ ଆତ୍ମାର ସଦଗତି କାମନା କରିବା ସହ ପରିବାର ଲୋକଙ୍କୁ ସଂଘ ତରଫରୁ ୧୦ ହଜାର ଟଙ୍କା ସାହାଯ୍ୟ ପ୍ରଦାନ କରିଛନ୍ତି। ଏହି ସମୟରେ ବ୍ଲକ୍ ପ୍ରାଥମିକ ଶିକ୍ଷକ ସଂଘର ସଭାପତି ଗଗନ ବିହାରୀ ପଟ୍ଟନାୟକ, ସଂପାଦକ ଦେବିସିଂ ମାଝୀ, କୋଷାଧ୍ୟକ୍ଷ ଈଶ୍ବରୀ ପ୍ରସାଦ ଅଗସ୍ତି, ରଞ୍ଜିତ କୁମାର ଖମାରୀ, ପ୍ରସନ୍ନ ନାଏକ, ମାରଗୁଣିଆ ନାଗ, ଥବିର ପ୍ରସାଦ ବାଣୁଆ ପ୍ରମୁଖ ଉପସ୍ଥିତ ଥିଲେ।
