ରାୟଗଡ,୨୨/୬: ଆନ୍ତର୍ଜାତୀୟ ଯୋଗ ଦିବସ ଅବସରରେ ରାୟଗଡ ୱାକର୍ସ କ୍ଳବର ସଦସ୍ୟମାନେ ସ୍ଥାନୀୟ ପ୍ରେମ ପାହାଡ ଠାରେ କୋଭିଡ-୧୯ମାର୍ଗଦର୍ଶିକା ପ୍ରକାରେ ନିଜ ନିଜ ଭିତରେ ସାମାଜିକ ଦୂରତା ବଜାୟ ରଖି ଯୋଗାଭ୍ୟାସ କରିଥିଲେ । ଗଲୱାନ ଘାଟିରେ ଚୀନ ସେନାକୁ କଡା ଜବାବ ଦେଇ ଦେଶପାଇଁ ବଳିଦାନ ଦେଇଥିବା ୨୦ଜଣ ଭାରତୀୟ ଯବାନଙ୍କୁ ଶ୍ରଦ୍ଧାଂଜଳି ପୂର୍ବକ ନୀରବ ପ୍ରାର୍ଥନା କରିଥିଲେ । ଯୋଗଗୁରୁ ଟାଙ୍କାଲା ଜୟରାମଙ୍କ ନେତୃତ୍ୱରେ ସକାଳ ସାଢେ ୬ଟାରୁ ସାଢେ ୭ଟା ପର୍ଯ୍ୟନ୍ତ ବିଭିନ୍ନ ପ୍ରକାର ଯୋଗାସନ କରିଥିଲେ । ପରେ ଗ୍ରୀନ ରାୟଗଡର ମିଳିତ ସହଯୋଗରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ୱାକର୍ସ କ୍ଳବର ଉପଦେଷ୍ଠା ସତ୍ୟବାଦୀ ପତି, କ୍ଲବ ର ଅଧ୍ୟକ୍ଷ ଈଂ.ସୁନୀଲ ଚନ୍ଦ୍ର ପଣ୍ଡା, ପୂର୍ବତନ ଅଧ୍ୟକ୍ଷ ଡାଲିରାଜୁ, ଉପାଧ୍ୟକ୍ଷ ପ୍ରତାପ ଚନ୍ଦ୍ର ବାଉରି ଓ ଗୋପସୁନ୍ଦର ଦାସ ଏବଂ ସଂପାଦକ ଶଙ୍କର୍ଶଣ ମଙ୍ଗରାଜ ଏହି କାର୍ଯ୍ୟକ୍ରମ ସଂପାଦନା କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।
ଏଥିରେ କ୍ଳବର ଅନ୍ୟ ସଭ୍ୟମାନଙ୍କ ଗହଣରେ ବରିଷ୍ଠ ସଭ୍ୟ ତଥା ଏରିଆ ସଂପାଦକ ଅଭିମନ୍ୟୁ ନାୟକ,ପ୍ରଫେସର ଡି.ଏସ.ପିଲାଇ, ଡଃ.ଦୁଷ୍ମନ୍ତ କୁମାର ମହାନ୍ତି, ଡଃ.ସାଲାଭା ରାଜୁ, ଡଃ.କୁୂମୁନ୍ଦନ, ସୁବାସ ରଥ, ଉଦୟ ଚନ୍ଦ୍ର ପଣ୍ଡା, ବ୍ରଜସୁନ୍ଦର ନାୟକଙ୍କ ସମେତ ଅନ୍ୟମାନେ ଯୋଗ ଦେଇଥିଲେ ।
ରାୟଗଡାରୁ ଶିବ ନାରାୟଣ ଗୈାଡଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
