କଳାହାଣ୍ଡି, (ନରୋତ୍ତମ ସେଲମା): କର୍ଲାମୁଣ୍ଡା ବ୍ଲକର ପ୍ରମୁଖ ଗ୍ରାମ ରିଷିିଡାର ମହିଳା ସ୍ଵୟଂସହାୟକ ଗୋଷ୍ଠୀର ସଭ୍ୟା ମାନଙ୍କୁ ନେଇ ମହିଳା ମହାସଂଘ ଗଠନ କରାଯାଇଛି। ଏହା ରିଷିଡା ଗ୍ରାମ ଉନ୍ନୟନ କମିଟିର ମହିଳା ଶାଖା ଭାବେ କାର୍ଯ୍ୟ କରିବ ବୋଲି ଜଣାପଡିଛି। ରିଷିଡା ଗ୍ରାମ ଉନ୍ନୟନ କମିଟିର ସଭାପତି ପ୍ରେମାନନ୍ଦ ପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ରିଷିିଡାର ୪୬ ଟି ସ୍ଵୟଂସହାୟକ ଗୋଷ୍ଠୀର କର୍ମକର୍ତ୍ତା ଯୋଗଦେଇଥିଲେ। ସେମାନଙ୍କ ମଧ୍ୟରେ କର୍ମକର୍ତ୍ତା ମଧ୍ୟ ଚୟନ କରାଯାଇଥିଲା। ସଭାପତି ଶ୍ରୀ ପାତ୍ର ଗ୍ରାମର ସର୍ବାଙ୍ଗୀନ ବିକାଶରେ ନାରୀମାନଙ୍କ ପ୍ରମୁଖ ଭୂମିକା ଉପରେ ଆଲୋକପାତ କରିଥିଲେ। ଏଥିରେ ସମ୍ପାଦକ ଅନ୍ତର୍ଯ୍ୟାମୀ ସାହୁ, ସରପଞ୍ଚ ସରସ୍ଵତୀ ମାଝୀ, ହିମାଂଶୁ ରଣା, ନନ୍ଦକିଶୋର ରଣା, ପଦ୍ମକିଶୋର ସାହୁ, କିଶୋର ଚନ୍ଦ୍ର ରଣା, ପ୍ରମୋଦ ସାହୁ, ଲଷ୍ମୀପ୍ରସାଦ ସେଠ ପ୍ରମୁଖ ଯୋଗଦେଇଥିଲେ। ପ୍ରକାଶ ଥାଉକି ଏହା ପୂର୍ବରୁ ଯୁବକ ମାନଙ୍କୁ ନେଇ ଯୁବାମଞ୍ଚ ଗଠନ କରାଯାଇଛି।
