ରାୟଗଡା, (ଶିବ ନାରାୟଣ ଗୈାଡ): ଲାୟନ୍ସ କ୍ଳବ ରାୟଗଡା ନାଗାବଳୀ ତରଫରୁ ରାୟଗଡା ସଦର ବ୍ଳକ ବୀରନାରାୟଣପୁର ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଲାୟନ୍ସ ଇଂଟରନ୍ୟାସନାଲ ପିଶ୍ ପୋଷ୍ଟର ପ୍ରତିଯୋଗିତା ୨୦୨୧-୨୨ ଅନୁଷ୍ଠିତ ହୋଇଯାଇଛି । ଏହି ପ୍ରତଯୋଗିତାରେ ୧୩ଜଣ ଛାତ୍ରଛାତ୍ରୀ ଭାଗ ନେଇଥିବା ବେଳେ କାର୍ଯ୍ୟକ୍ରମର ସମସ୍ତ ଦାୟିତ୍ୱ ବିଦ୍ୟାଳୟର ପ୍ରଧାନଶିକ୍ଷକ ଜଗଦୀଶ ଚନ୍ଦ୍ର ଦୋରା ତୁଲାଇଥିଲେ ଏବଂ ସମସ୍ତ ଶିକ୍ଷକଶିକ୍ଷୟତ୍ରୀ ସହଯୋଗ କରିଥିଲେ ।
ନାଗାବଳୀ ଲାୟନ୍ସ କ୍ଳବର ସଭାପତି ଲାୟନ ଡଃ.ପ୍ରସନ୍ନ କୁମାର ଗନ୍ତାୟତ, ଆର.ସି. ଲାୟନ ରୁବିରାଣୀ କୁଣ୍ଡୁ, ସଂପାଦକ ଲାୟନ ରବି ଶତପଥି, ଲାୟନ ଶଶିଭୂଷଣ ପଟ୍ଟନାୟକ ତଥା ଲାୟନ ଅରୁଣ ପାଣିଗ୍ରାହୀ ଯୋଗ ଦେଇ ସଭାରେ ନିଜ ବକ୍ତବ୍ୟ ରଖିଥିଲେ । ଏହି ପ୍ରତିଯୋଗିତାରେ କୁମାରୀ ରିତିକା ବେହେରା ପ୍ରଥମ ଓ ପୃଥ୍ୱୀରାଜ ସାରକା ଦ୍ୱିତୀୟ ସ୍ଥାନ ଅଧିକାର କରିଥିବା ବେଳେ ଲଛମନ୍ ସାରକାଙ୍କୁ ଶ୍ୱାନ୍ତନାମୂଳକ ପୁରସ୍କାର ପ୍ରଦାନ କରାଯାଇଥିଲା ।
