ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରାର ଅତିରିକ୍ତ ତହସିଲଦାର ଏବେ ସମ୍ପୂର୍ଣ ଆକ୍ସନ ମୋଡ଼ରେ ଥିବା ଦେଖାଯାଇଛି। ଅତର୍କିତ ଚଢ଼ାଉ କରି ୪ ହାଇୱା ଓ ୮ ଟ୍ରାକ୍ଟରରୁ କାଗଜପତ୍ର ଠିକ ନଥିବା କାରଣରୁ ୧ ଲକ୍ଷ ୪୦ ହଜାର ଟଙ୍କା ଫାଇନ କଟା ଯାଇଥିବା ନେଇ ସୂଚନା ରହିଛି। ଶନିବାର କୋକସରା ଅତିରିକ୍ତ ତହସିଲଦାର କମଳାସନ ରଥ ପେଟ୍ରୋଲିଂରେ ବାହାରିଥିବା ବେଳେ ବିଭିନ୍ନ ସ୍ଥାନରେ ବାଲି, ମେଟାଲ, ଚିପ୍ସ ବୋଝେଇ ୪ ହାଇୱା ସମେତ ୮ ଟ୍ରାକ୍ଟରକୁ ଅଟକ ରଖି ଯାଞ୍ଚ କରିବା ସମୟରେ ଗାଡିର କାଗଜପତ୍ର, ରସିଦ ଠିକ ନ ଥିବା କାରଣରୁ ୧ ଲକ୍ଷ ୪୦ ହଜାର ଟଙ୍କା ଜରିମାନା ଆଦାୟ ପାଇଁ ଫାଇନ କରିଥିବା ସୁଚନା ଦେଇଛନ୍ତି। ଅତିରିକ୍ତ ତହସିଲଦାରଙ୍କ ଅତର୍କିତ ଚଢ଼ାଉକୁ ନେଇ ଗାଡି ମାଲିକଙ୍କ ମଧ୍ୟରେ ଛନକା ଖେଳିଯାଇଛି।
