ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଲକ ବିଶ୍ୱନାଥପୁର ଥାନା ପୋଖରୀବନ୍ଧ ସାହୁ କ୍ରସର ନିକଟରେ ଜଣେ ଯୁବକଙ୍କ ଝୁଲନ୍ତା ଶବ ଉଦ୍ଧାର କରିଛି ପୁଲିସ । ମୃତ ଯୁବକ ଜଣକ ନୂତନ ବାତେଲିମା ଗାଁର ମକୁନ୍ଦ ମାଝୀ ଏବଂ ସେ ସାହୁ କ୍ରସରରେ ନିୟୋଜିତ ଏକ ହାଇୱା ଗାଡ଼ିର ଡ୍ରାଇଭର ଥିଲେ ବୋଲି ସୂଚନା ମିଳିଛି । ତାଙ୍କ ମୃତଦେହ ସନ୍ଦେହଜନକ ଅବସ୍ଥାରେ ଥିବାରୁ ମକୁନ୍ଦଙ୍କୁ ହତ୍ୟା କରି ଟାଙ୍ଗି ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ତେବେ ବର୍ତ୍ତମାନ ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଥେଦ ପାଇଁ ତଦନ୍ତ ଜାରି ରଖିଛି । ଭବାନୀପାଟଣାରୁ ସାଇଣ୍ଟିଫିକ୍ ଟିମ୍ ଅଫିସର ଲକ୍ଷ୍ମୀଧର ନାୟକ ଓ ବୀରବନ୍ଧୁ ସାହୁ ଘଟଣାସ୍ଥଳ ପରିଦର୍ଶନ କରି ତଥ୍ୟ ସଂଗ୍ରହ କରିଛନ୍ତି । ଏନେଇ ପରିବାର ଲୋକଙ୍କ ଅଭିଯୋଗ କ୍ରମେ ବିଶ୍ୱନାଥପୁର ଥାନା କେସ୍ ନଂ ୦୧/୨୩ରେ ରୁଜୁ କରି ବିଶ୍ୱନାଥପୁର ଥାନାଧିକାରୀ ରୁନୁ କୁମାରୀ ମାଝୀ ଘଟଣାର ତଦନ୍ତ କରୁଛନ୍ତି । ଅପରପକ୍ଷରେ ପରିବାର ଲୋକେ ମକୁନ୍ଦଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ।ଏପରିକି ଘଟଣା ଘଟିବା ପରେ ସାହୁ କ୍ରସରର ମାଲିକ ଓ ତାଙ୍କ ପରିବାର କୁଆଡ଼େ ଫେରାର ହୋଇଯାଇଥିବାରୁ ଏ ସନ୍ଦେହ ଆହୁରି ବଳବତ୍ତର ହୋଇଛି ।
