ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ରାୟଗଡ଼ା ଜିଲ୍ଲା ଥେରୁବାଲି ଠାରେ ଥିବା ଜବାହର ନବୋଦୟ ବିଦ୍ୟାଳୟରେ ଏକାଡେମୀ ଏକ୍ସସିଲେନ୍ସୀ ଆୱାର୍ଡ ଉତ୍ସବ ଅନୁଷ୍ଠିତ ହୋଇଯାଇଛି । ଜବାହର ନବୋଦୟ ବିଦ୍ୟାଳୟର ଅଧ୍ୟକ୍ଷା କେ ରମଣୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଚଳିତ ବର୍ଷର ଷଷ୍ଠ, ସପ୍ତମ, ଅଷ୍ଟମ, ନବମ ଓ ଏକାଦଶ ଶ୍ରେଣୀର ବାର୍ଷିକ ପରୀକ୍ଷାରେ ନବେ ଶତକଡାରୁ ଉର୍ଦ୍ଧ ମାର୍କ ରଖି ଶ୍ରେଣୀର ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ରଖିଥିବା ଛାତ୍ରଛତ୍ରୀମାନଙ୍କୁ ଉତ୍କର୍ଷ ପ୍ରମାଣ ପତ୍ର ସହ ସ୍ଵର୍ଣ୍ଣ, ରୌପ୍ୟ ଓ ବ୍ରୋଞ୍ ପଦକ ପ୍ରଦାନ କରାଯାଇଛି। ଏହି ଅବସରରେ ବିଦ୍ୟାଳୟ ଉପାଧ୍ୟକ୍ଷ ସୁଭଦିପ ସାହା, ଅଧ୍ୟାପକ ରିଶିକେଶ ପରିଡ଼ା, ସ୍ଵପ୍ନା ତନ୍ମୟୀ ଜେନା, ଶିବ ଗୁଡୁଙ୍ଗ, ଲଙ୍କନ୍ ତାରକ୍, ସୁରେନ୍ଦ୍ର କୁମାର, ଖଡଙ୍ଗ ବେହେରା, ସମେତ ପିଟିଏ ସଦସ୍ୟ, ଶତାଧିକ ଅଭିଭାବକ ଓ ଛାତ୍ରଛତ୍ରୀ ଉପସ୍ଥିତ ଥିଲେ। ଏହି ଅବସରରେ ଦିତୀୟାର୍ଧରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ଵାରା ସାଂସ୍କୃତିକ କାର୍ଯୟକ୍ରମମାନ ଆୟୋଜିତ କରାଯାଇଛି।
