ଓଡ଼ିଆ ବାର୍ତ୍ତା/ ଜୟପାଟଣା (ଧନେଶ୍ଵର ପୁଞ୍ଜି): ଚଳିତ ୨୦୨୩-୨୪ ଶିକ୍ଷା ବର୍ଷରେ ରାଜ୍ୟ ସରକାରଙ୍କ ପକ୍ଷରୁ ସମଗ୍ର ସରକାରୀ ଶିକ୍ଷାନୁଷ୍ଠାନରେ ତା୦୩/୦୪/୨୩ ଠାରୁ ୧୧/୦୪/୨୩ ପର୍ଯ୍ୟନ୍ତ ପ୍ରବେଶ ଉତ୍ସବ ତଥା ପୁସ୍ତକ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହେଉଥିବା ବେଳେ ଜୟପାଟଣା ବ୍ଳକ ଅନ୍ତର୍ଗତ ଉଚ୍ଛଳା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ମଧ୍ୟ ଏହି କାର୍ଯ୍ୟକ୍ରମ ମଙ୍ଗଳବାର ବିଦ୍ୟାଳୟର ପ୍ରଧାନ ଶିକ୍ଷକ ନବକିଶୋର ନାଏକଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇଯାଇଅଛି।
ଏହି କ୍ରମରେ ବିଦ୍ୟାଳୟରେ ନୂତନ ଭାବରେ ପ୍ରବେଶ କରୁଥିବା ପ୍ରଥମ ଏବଂ ଷଷ୍ଠ ଶ୍ରେଣୀ ର ଛାତ୍ର ଛାତ୍ରୀ ମାନଙ୍କୁ ଅଭିଭାବକ ଏବଂ ଶିକ୍ଷକ ତଥା ବିଦ୍ୟାଳୟ ପୁରାତନ ଛାତ୍ର ଛାତ୍ରୀମାନେ ସ୍ବାଗତ କରିଥିଲେ। ଏହି କାର୍ଯ୍ୟକ୍ରମ ସହକାରୀ ଶିକ୍ଷକ ବାଲେଶ୍ଵର ଦୁର୍ଗା, ବୃନ୍ଦାବନ ସାହୁ, ମନୋରଞ୍ଜନ ସାହୁ ରାକ୍ଷୀ ସୁନାନୀ କ୍ରୀଡା ଶିକ୍ଷକ ଲକ୍ଷେଶ୍ବର ସାହୁ ସହଯୋଗ କରିଥିଲେ।
