ସାମ୍ନାକୁ ଆସିଲା ‘ଟାଇଗର-୩’ର ପ୍ରଥମ ପୋଷ୍ଟର, ଦିପାବଳୀରେ ହେବ ରିଲିଜ୍

ଏହା ସହିତ ସଲମାନ ସୂଚନା ଦେଇଛନ୍ତି ଯେ ଟାଇଗର ୟଶ ରାଜଙ୍କ ପୂର୍ବ ସ୍ପାଇ ଥ୍ରୀଲର ‘ଓ୍ୱାର’ ଏବଂ ‘ପଠାନ’ ପରି ଏହା ମଧ୍ୟ ଏକ ଜବରଦସ୍ତ ଫିଲ୍ମ ହେବ । ଏହି ଫିଲ୍ମଟି ୩ଟି ଭାଷା ତଥା ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ । ଏହାର ପୋଷ୍ଟର ରିଲିଜ୍ ହେବା ପରେ ଫ୍ୟାନ୍ସମାନେ ଏହାକୁ ପସନ୍ଦ କରିବା ସହିତ, ନିଜ ନିଜର ରିଆକ୍ସନ୍ ମଧ୍ୟ ଦେବାରେ ଲାଗିଛନ୍ତି । ପୋଷ୍ଟରଟିକୁ ଦେଖିବା ପରେ ଭାଇଜାନଙ୍କ ଫ୍ୟାନ୍ସମାନଙ୍କ ଭିତରେ ଅଲଗା ପ୍ରକାରର କ୍ରେଜ ଦେଖିବାକୁ ମିଳିଛି । ‘ଟାଇଗର ଜିନ୍ଦା ହୈ’ର ଅପାର ସଫଳତାର ୬ ବର୍ଷ ପରେ ସଲମାନ ଏବଂ କ୍ୟାଟ୍ରିନାଙ୍କ ଯୋଡି ପୁଣି ବଡ଼ ପରଦାରେ ଫେରୁଛନ୍ତି । ସୂଚନାଯୋଗ୍ୟ ଯେ, ଟାଇଗର ଫ୍ରାଞ୍ଚାଇଜ୍‌ର ପୂର୍ବ ଦୁଇଟି ଅଂଶ, ଏକ ଥା ଟାଇଗର (୨୦୧୨) ଏବଂ ଟାଇଗର ଜିନ୍ଦା ହୈ (୨୦୧୭) ବକ୍ସ ଅଫିସରେ ବ୍ଲକବଷ୍ଟର ବୋଲି ପ୍ରମାଣିତ ହୋଇଛି ।