ସ୍ଥାନୀୟ ଜନ ପ୍ରତିନିଧି ଦଳ ମାନ୍ୟବର ସାଂସଦ ମାଲବିକା ଦେବୀଙ୍କ ମାଧ୍ୟମରେ ବକ୍ସାଇଟ୍ ଖଣିକୁ ଖୋଲିବା ତଥା କଳାହାଣ୍ଡିର ବିକାଶକୁ ପ୍ରୋତ୍ସାହିତ କରିବା ପାଇଁ ତୁରନ୍ତ ଗ୍ରାମସଭା ଡାକିବା ପାଇଁ ମାନ୍ୟବର ସିଏମଓକୁ ଅନୁରୋଧ କରିଛନ୍ତି
ଓଡିଆ ବାର୍ତ୍ତା/ କଳାହାଣ୍ଡି: ବର୍ତ୍ତମାନ ତୀବ୍ର ହୋଇଥିବା ଏକ ନିରନ୍ତର ଉଦ୍ୟମରେ, ଲାଞ୍ଜିଗଡ଼ ଅଂଚଳର ସ୍ଥାନୀୟ ଜନ ପ୍ରତିନିଧି ଏବଂ ପଂଚାୟତିରାଜ ଅନୁଷ୍ଠାନ (ପିଆରଆଇ) ସଦସ୍ୟମାନେ ଲାଞ୍ଜିଗଡ଼ ଆଂଚଳିକ ବିକାଶ ପରିଷଦ (ଏଲ ଏଭିପି) ମଧ୍ୟମରେ ଏକାଠି ହୋଇ କଳାହାଣ୍ଡିରେ ବକ୍ସାଇଟ୍ ଖଣି ଖନନ ପାଇଁ ମାନ୍ୟବର ମୁଖ୍ୟମନ୍ତ୍ରୀ ତୁରନ୍ତ ତାଙ୍କର ସ୍ବତନ୍ତ୍ର କ୍ଷମତା ପ୍ରୟୋଗ କରି ଗ୍ରାମସଭା କରିବାକୁ ମାନ୍ୟବର କଳାହାଣ୍ଡି ଲୋକସଭା ସାଂସଦଙ୍କୁ ଲିଖିତ ଦାବିପତ୍ର ପ୍ରଦାନ କରି ଅନୁରୋଧ କରିଥିଲେ ।
ଏକ ସ୍ଥାୟୀ କଂଚାମାଲ ଉତ୍ସ ସୁରକ୍ଷିତ କରିବା ସହିତ ଅଂଚଳର ଆର୍ଥିକ ସ୍ଥିରତା ସୁଦୃଢ କରିବା ନିମନ୍ତେ ସେମାନେ ଅନୁରୋଧ କରିଥିଲେ । ଦାବିପତ୍ରରେ ସାଂସଦଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଏହି ମାମଲା ଉଠାଇବାକୁ ଅନୁରୋଧ କରାଯାଇଥିଲା ଏବଂ ରାଜ୍ୟ ସରକାରଙ୍କୁ ଆଉ ବିଳମ୍ବ ନକରି ଗ୍ରାମସଭା ପ୍ରକ୍ରିୟାକୁ ତ୍ବରାନ୍ବିତ କରିବା ପାଇଁ ଆହ୍ବାନ ଦିଆଯାଇଥିଲା ।
ଏଲଏଭିପି ସଭାପତି ଶ୍ରୀଧର ପେସନିଆଙ୍କ ନେତୃତ୍ବରେ ଏହି ପ୍ରତିନିଧି ଦଳରେ ଲାଞ୍ଜିଗଡ଼ ବ୍ଳକର ଯୁବ ନେତା, ଯୁବ କ୍ଲବ ସଦସ୍ୟ, ସ୍ଵୟଂ ସହାୟକ ଗୋଷ୍ଠୀ, ସ୍ଥାନୀୟ ପରିବାରଙ୍କ ସମେତ ତୃଣମୂଳ ସ୍ତରର ପ୍ରତିନିଧୁମାନେ ସାମିଲ ହୋଇ ଥିଲେ। ଏହି ଗୋଷ୍ଠୀ ଜଣାଇଥିଲା ଯେ ଜିଲ୍ଲାର ପ୍ରଥମ ମେଗା-ଶିଳ୍ପ ହେବା ସଙ୍ଗେ, ଲାଞ୍ଜିଗଡ଼ ଆଲୁମିନା ରିଫାଇନାରୀ ଏକ କ୍ୟାଟିଭ ବକ୍ସାଇଟ୍ ଖଣି ଅଭାବରୁ ଠିକ ଭାବେ କାର୍ଯ୍ୟକ୍ଷମ ହୋଇ ପାରୁ ନାହିଁ ।
ସେମାନେ କହିଛନ୍ତି ଯେ ଏହି କାର୍ଯ୍ୟକ୍ଷମ ଅନିଶ୍ଚିତତା କାରଖାନାକୁ ୨୦ ବର୍ଷରୁ ଅଧିକ ସମୟ ଧରି ପୂର୍ଣ୍ଣ କ୍ଷମତାରେ ଚାଲିବାରୁ ବାଧା ଦେଇଛି, ଯାହା ଫଳରେ ପ୍ରତ୍ୟକ୍ଷ ଓ ପରୋକ୍ଷ ଭାବରେ ନିର୍ଭର କରୁଥିବା ଚାକିରି, ଆୟ ଏବଂ ସହାୟକ ବ୍ୟବସାୟଗୁଡ଼ିକ ପ୍ରଭାବିତ ହୋଇଛି। ବିଶେଷକରି ରାୟଗଡ଼ା ଏବଂ କୋରାପୁଟ ଜିଲ୍ଲାରେ ସମାନ ଶିଳ୍ପ ଦ୍ବାରା ପ୍ରାପ୍ତ ସମର୍ଥନ ତୁଳନାରେ କଳାହାଣ୍ଡି ରିଫାଇନାରୀ ପ୍ରତି ବଢ଼ୁଥିବା ଅବହେଳାକୁ ସ୍ମାରକପତ୍ରରେ ସ୍ଥାନିତ କରାଯାଇଛି ।
ଆବେଦନକୁ ସମର୍ଥନ କରୁଥିବା ବ୍ୟକ୍ତି ମାନଙ୍କ ମଧ୍ୟରେ:
ଚନ୍ଦ୍ର ପେସନିଆ, ପୂର୍ବତନ ସରପଂଚ, ଲାଞ୍ଜିଗଡ଼ ବ୍ଳକ ।
ସୁରେଶ ଅଗ୍ରୱାଲ, ସାମାଜିକ କର୍ମୀ, ଲାଞ୍ଜିଗଡ଼ ।
କମଳା ପାତ୍ର, ବ୍ଳକ ଚେୟାରମ୍ୟାନ, ଲାଞ୍ଜିଗଡ଼ ବ୍ଳକ ।
ସଞ୍ଜିବ ନାୟକ, ଲଞ୍ଜିଗତ ବ୍ଳକର ଉପାଧ୍ୟକ୍ଷ ।
ପରିକ୍ଷିତ ନାୟକ, ଜିଲା ପରିଷଦ ସଦସ୍ୟ ।
ପ୍ରଦୀପ ଘଢ଼େଇ ବିଶ୍ଵନାଥପୁର ଗ୍ରାମର ବିଧାୟକଙ୍କ ପ୍ରତିନିଧୁ।
ନିର୍ମଳ ସାମଲ, ସାଧାରଣ ସମ୍ପାଦକ, ଲାଞ୍ଜିଗଡ଼ ଆଂଚଳିକ ବିକାଶ ପରିଷଦ
ରାଜେନ୍ଦ୍ର ସିଂଦେଓ ସାମାଜିକ କର୍ମୀ, ଲାଞ୍ଜିଗଡ଼ ।
ଧନ ମାଝି, ସ୍ଥାନୀୟ ନେତା
ହିମାଦ୍ରୀ ପେସନିଆ, ସଭାପତି, ଲାଞ୍ଜିଗଡ଼ ଯୁବକ ସଂଘ ଏବଂ ସ୍ଥାନୀୟ ଯୁବ ନେତା ହରି ମାଝି, ପାତ୍ର ମାଝି, ଶତୃଘ୍ନ ଚଲାନ୍, ରବି ଦଣ୍ଡସେନା, ରଘୁନାଥ ପାଣି, ଦଶରଥ ମାଝି ଏବଂ ଅନ୍ୟ ପରିବାରର ସଦସ୍ୟମାନେ ଯୋଗ ଦେଇଥିଲେ। ଲାଞ୍ଜିଗଡ଼ ସ୍ବୟଂ ସହାୟକ ଗୋଷ୍ଠୀର ମହିଳା ପ୍ରତିନିଧୁ ମାନେ ମଧ୍ୟ ଯୋଗଦେଇଥିଲେ ।
ପ୍ରତିନିଧୀଙ୍କୁ ସମ୍ବୋଧନ କରି ମାନ୍ୟବର ସାଂସଦ ଶ୍ରୀମତି ମାଲବିକା ଦେବୀ ତାଙ୍କ ସମର୍ଥନର ପ୍ରତିଶୃତି ଦେଇ କହିଥିଲେ, “ଲାଞ୍ଜିଗଡ଼ର ଲୋକମାନେ ତୁରନ୍ତ ଗ୍ରାମସଭା ଆୟୋଜନ କରିବା ଏବଂ କଳାହାଣ୍ଡିରେ ସୁନୀୟ ବକ୍ସାଇଟ୍ ଖଣି ଖୋଲିବା ପାଇଁ ଏକ ସ୍ପଷ୍ଟ ଏବଂ ସ୍ଥିର ଦାବି ଆଣିଛନ୍ତି । ସେମାନେ ବିଶ୍ୱାସ କରନ୍ତି ଯେ ଏହା ସମଗ୍ର ଅଂଚଳ ଏବଂ ପାର୍ଶ୍ଵବର୍ତୀ ଅଂଚଳ ପାଇଁ ନୂତନ ସୁଯୋଗ ସୃଷ୍ଟି କରିବ । ସେମାନଙ୍କର ନିର୍ବାଚିତ ପ୍ରତିନିଧ ଭାବରେ, ମୁଁ ଏହି ପ୍ରସଙ୍ଗକୁ ଉପଯୁକ୍ତ ସ୍ତରରେ ଉଠାଇବି ।”
ପୂର୍ବତନ ସାଂସଦ ଶ୍ରୀ ଅର୍କ କେଶରୀ ଦେଓ ମଧ୍ୟ ଏହି ଦାବିକୁ ସମର୍ଥନ କରି କହିଥିଲେ, “ଲାଞ୍ଜିଗଡ଼ ରିଫାଇନାରୀକୁ କଳାହାଣ୍ଡିର ବିକାଶ ପାଇଁ ଏକ ଉତ୍ପ୍ରେରକ ଭାବରେ କଳ୍ପନା କରାଯାଇଥିଲା । କିନ୍ତୁ ଏକ ପ୍ଲାଟଂର ଉନ୍ନତି ପାଇଁ, ନିରବଚ୍ଛିନ୍ନ କଂଚାମାଲ ଯୋଗାଣରେ ବ୍ୟାଘାତ କରାଯାଇପାରିବ ନାହିଁ । ଲାଞ୍ଜିଗଡ଼ର ଲୋକଙ୍କର ଏହି ଦୀର୍ଘକାଳୀନ ଦାବି ଯଥାର୍ଥ ଏବଂ ଜରୁରୀ ଅଟେ । କଳାହାଣ୍ଡିକୁ ଯୋଗ୍ୟ ଶିଳ୍ପ ସମର୍ଥନ ପାଇବାକୁ ସୁନିଶ୍ଚିତ କରିବା ପାଇଁ ଆମେ ରାଜ୍ୟ ଏବଂ କେନ୍ଦ୍ର ସରକାରଙ୍କ ସହିତ ଏହି ମାମଲା ଉଠାଇବୁ ।”
ଏଲଏଭିପି ଅଂଚଳର ସ୍ବର ଶୁଣାଯିବା ନିଶ୍ଚିତ କରିବା ପାଇଁ ଶାନ୍ତି ପୂର୍ଣ୍ଣ ଏବଂ ଗଠନମୂଳକ ସମର୍ଥନ ପ୍ରତି ତାଙ୍କର ପ୍ରତିବଦ୍ଧତାକୁ ପୁନଃସ୍ଥାପିତ କରିଛି । ପ୍ରତିନିଧଧି ଦଳ ଗୁରୁତ୍ୱାରୋପ କରିଥିଲେ ଯେ ସମ୍ପ୍ରଦାୟର ସହମତି ଏବଂ ସ୍ଥାୟୀ ଖଣି ଦ୍ବାରା ପରିଚାଳିତ ସ୍ଥାୟୀ ଶିଳ୍ପ ବିକାଶ, କଳାହାଣ୍ଡିର ଦୀର୍ଘକାଳୀନ ସମୃଦ୍ଧିର ଚାବିକାଠି ଅଟେ ।
