ଓଡ଼ିଆ ବାର୍ତ୍ତା/ ରାୟଗଡ଼ା (ପଦ୍ମନ ଭତ୍ରା): ରାୟଗଡ଼ା ସଦର ଦେଇ ଯାଇଥିବା ୩୨୬ ନମ୍ବର ରାଜ ପଥ ହିରୋ ମୋଟର୍ସ ସମ୍ମୁଖରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ସ୍କୁଲ ବସ୍ ଧକ୍କାରେ ଜଣେ ବୃଦ୍ଧା ଘଟଣା ସ୍ଥଳରେ ମୃତ୍ୟୁ ବରଣ କରିଛନ୍ତି | ସୂଚନା ଅନୁଯାଇ ମୃତ୍ୟୁ ବୃଦ୍ଧା ଜଣକ ହେଲେ କୋଲନରା ବ୍ଲକ ସୁରି ଗ୍ରାମ ପଞ୍ଚାୟତ ବଡ଼ପଡ଼ିଆ ଗ୍ରାମର ଉଲାକା ବେଣ୍ଟି ବୋଲି ଜଣାପଡିଛି | ବେଣ୍ଟି ବ୍ୟାଙ୍କ କାମରେ ଉକ୍ତ ରାସ୍ତା ଦେଇ ଯାଉଥିଲେ | ସେହି ସମୟରେ ଦୁର୍ଘଟଣାଟି ଘଟିଥିବା ଜଣାପଡ଼ିଛି | ଦୁର୍ଘଟଣା ସମୟରେ ବେଣ୍ଟିଙ୍କ ନିଜ ପରିବାର କି ସମ୍ପର୍କୀୟ ନ ଥିବା ବେଳେ ବର୍ତ୍ତମାନ ଘଟଣା ସ୍ଥଳରେ ରାୟଗଡ଼ା ପୋଲିସ ପହଞ୍ଚି ଅଧିକ ତଦନ୍ତ ଚଳାଇ ଥିବା ଜଣାପଡ଼ିଛି |
