ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): କଳାହାଣ୍ଡି ଜିଲ୍ଲାର ଗର୍ବ ଓ ଗୌରବ ଆନ୍ତର୍ଜାତିୟ ପର୍ବତାରୋହୀ ରାହୁଲ ପଧାନ ଏହି ମାସରେ ତାଞ୍ଜାନିଆର ମାଉଣ୍ଟ କ୍ଲୀ ମଞ୍ଜାରୋ ସୃଙ୍ଗ ଆରୋହଣ କରିବେ, ଯାହାର ଉଚ୍ଚତା ହେଉଛି ୫ହଜାର ୮ଶହ ୯୫ ମିଟର। ତେଣୁ ତାଙ୍କୁ ଉତ୍ସାହିତ କରିବା ପାଇଁ ନର୍ଲା ବ୍ଳକ୍ ପରିସରରେ ଫ୍ଲାଗ ଅପ୍ ସେରିମୋନି ଆୟୋଜିତ ହୋଇଯାଇଛି। ନର୍ଲା ବ୍ଲକ ଅଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି ଏହି ସମାରୋହରେ ଯୋଗଦେଇ ପର୍ବତାରୋହୀ ରାହୁଲ ପ୍ରଧାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ। ଏଥିରେ ବରିଷ୍ଠ ସାମ୍ବାଦିକ ଅଭିରାମ ନନ୍ଦ, ନର୍ଲା ଜିଲ୍ଲାପରିଷଦ ସଦସ୍ୟ ହରିଶଙ୍କର ମାଝୀ ଓ ଅନେକ ବୁଦ୍ଧିଜୀବୀ ଉପସ୍ଥିତ ଥିଲେ। ନର୍ଲା ବିଡ଼ିଓ ବିପିନ ବିହାରୀ ଦୀପ ମଧ୍ୟ ରାହୁଲଙ୍କୁ ଶୁଭେଚ୍ଛା ଜଣାଇବା ସହ ସେ କୃତକାର୍ଯ୍ୟ ହୋଇ ଫେରିଲେ ତାଙ୍କୁ ବ୍ଲକ ପରିସରରେ ଭବ୍ୟ ସମ୍ବର୍ଦ୍ଧନା ପ୍ରଦାନ କରାଯିବ ବୋଲି କହିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ, ଭବାନୀପାଟଣା ବ୍ଲକ ଅନ୍ତର୍ଗତ ଦେପୁର ଗ୍ରାମର ବ୍ୟାସଦେବ ପଧାନଙ୍କ ସୁପୁତ୍ର ରାହୁଲ ପଧାନ ଗତ ୨୦୨୪ ମସିହା ଅଗଷ୍ଟ ମାସରେ ୟୁରୋପର ଉଚ୍ଚତମ ଶୃଙ୍ଗ ମାଉଣ୍ଟ ଏଲ ବୃଷ ଯାହାର ଉଚ୍ଚତା ୫ହଜାର ୬ଶହ ୪୨ ମିଟର ଚଢ଼ିଥିଲେ। ଏବେ ମାଉଣ୍ଟ କ୍ଲୀ ମଞ୍ଜାରୋ ସୃଙ୍ଗ ଆରୋହଣ କରିବାକୁ ଯାଉଛି ବୋଲି ଫ୍ଲାଗ ଅପ୍ ସେରିମୋନିରେ ସେ କହିଛନ୍ତି।
